ءداستۇر بويىنشا سالتاناتتى شارانى باۋىرلاس قالالاردىڭ حالىقارالىق قاۋىمداستىعى – Sister Cities International ۇيىمى وتكىزدى. پاندەمياعا بايلانىستى بيىل شارا ونلاين-رەجيمدە ءوتتى.
مەرەكەدە بەلگىلى سپيكەرلەر مەن ورىنداۋشىلار ءسوز سويلەدى, ولاردىڭ ىشىندە: گۋبەرناتور بيلل انابۋتتي, دجوزەفينا بيۆەرس, گەنەرال-مايور ارماندو كابادا, كونگرەسسمەن ەلەونورا حولمس نورتون, مايور تيم كەللەر, سەناتور بوب مەنەندەز, اقش تەڭىز وركەسترى, كەرول روبەرتسون لوپەز جانە باسقالار بار.
سالتاناتتى ءراسىم كەزىندە ديماش قازاقتىڭ حالىق ءانى «سامالتاۋدى» ورىندادى. بۇعان دەيىن اقش-تىڭ سايلانعان پرەزيدەنتىن ۇلىقتاۋ اپتالىعىنىڭ اشىلۋىندا قازاقستاندىق ءانشى ءان شىرقاماعان. وسى ورايدا ديماش قۇدايبەرگەن وسىنداي اتاۋلى مەرەكەگە شاقىرعاندارى ءۇشىن SCI وكىلدەرىنە ءوز العىسىن ءبىلدىردى.
