ەكولوگيا • 18 قاڭتار، 2021

كولساي مەن قايىڭدىدا كونكي تەبۋگە بولا ما؟

40 رەت كورسەتىلدى

الماتى وبلىسىنداعى «كولساي كولدەرى» ۇلتتىق تابيعي پاركىنىڭ اۋماعىندا ورنالاسقان كولساي مەن قايىڭدى كولدەرى قىس باستالىسىمەن قاتىپ، كونكي تەبۋگە ارنالعان مۇز ايدىنىنا اينالادى، دەپ حابارلايدى Egemen.kz

مەملەكەت قورعاۋىنا الىنعان نىساندار دا كونكي تەبۋگە بولا ما؟ دەگەن سۇراققا ەكولوگيا، گەولوگيا جانە تابيعي رەسۋرستار مينيسترلىگى جاۋاپ بەردى.

الەۋمەتتىك جەلىلەردە تۋريستەر مەن كاسىبي كونكي تەبۋشىلەردىڭ كولدەردە سىرعاناپ جۇرگەن ۆيدەولارى مەن سۋرەتتەرىن ءجيى بايقاۋعا بولادى.

ەكولوگيا، گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتى كولساي كولىندە كونكي تەبۋگە ارنالعان ارنايى جابدىقتالعان الاڭدار جوق ەكەنىن ەسكە سالدى.

«جەكە تۇلعالاردىڭ مۇز ۇستىندە بولۋىنا، سونىڭ ىشىندە كونكي تەبۋگە زاڭمەن تىيىم سالىنباعان. كەلۋشىلەر تاراپىنان كونكي تەبۋگە دەگەن سۇرانىستىڭ ارتۋىنا بايلانىستى جاقىن ارادا ۇلتتىق پارك كولسايدىڭ تومەنگى جاعىنداعى كولدە كونكي تەبۋگە ارنالعان ورىن اشۋدى قاراستىرىپ جاتىر. ال قايىڭدى كولىندە قاۋىپسىزدىكتى قامتاماسىز ەتۋ ءۇشىن مۇزعا شىعۋعا جانە سىرعاناۋعا قاتاڭ تىيىم سالىنادى. تومەنگى جانە ورتا كولدەردە بالىق اۋلاۋعا رۇقسات ەتىلەدى»، دەدى ەكولوگيا مينيسترلىگىنىڭ ءباسپاسوز حاتشىسى سامال يبراەۆا.

كولساي مەن قايىڭدى كولدەرى الماتى وبلىسى رايىمبەك اۋدانىنىڭ اۋماعىندا، الماتىدان وڭتۇستىك-شىعىسقا قاراي 330 شاقىرىم جەردە ورنالاسقان.

ايتا كەتەيىك، ۇلكەن الماتى كولىندە دە كونكي تەبۋگە قاتاڭ تىيىم سالىنعان.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار