فۋتبول • 18 قاڭتار، 2021

«قايرات» قارىمدى، «اقتوبە» الىمدى

4 رەت كورسەتىلدى

سەنبى كۇنى فۋتزالدان ۋەفا چەم­پيون­دار ليگاسىنىڭ 1/16 فينا­لىنداعى بىرقاتار ماتچ ءوتتى. ايتۋلى دودادا باق سىناپ جاتقان قازاق­ستان­نىڭ ەكى بىردەي كومانداسى ءوز ويىندارىن قوناقتا وتكىزىپ، قارسىلاس­تارىنان باسىم ءتۇستى.

ماسەلەن، بەلارۋستىڭ موگيلەۆ قالاسىندا جەرگىلىكتى «ۆيتەن» كلۋبىمەن ويناعان ال­ماتىنىڭ «قايراتى» 5:2 ەسەبىمەن جەڭىسكە جەتىپ، جارىستىڭ كەلەسى كەزەڭىنە جولداما الدى. ماتچتىڭ ءبىرىنشى كەزەڭىندە جەر­لەس­تەرىمىز قارسىلاس كوماندا قاقپاسىنا جاۋاپ­سىز ءۇش گول سوقتى. ويىننىڭ نەبارى 11-سەكۋندىندا ساۆيو ەسەپتى اشسا، ۋم­بەرتو (16-مينۋت) مەن ديەگو (18-مينۋت) ءوز ەسىم­دەرىن تابلوعا جازدىرتتى. ال ەكىنشى تايم­دا ءبىر­جان ورازوۆ (34-مينۋت) پەن دۋگلاس كوستا (36-مينۋت) ءبىر-ءبىر گول سوعىپ، «قايراتقا» جەڭىس سىيلادى.

سونىمەن قاتار «اقتوبە» كومانداسى دا سىرت الاڭدا گرەكيانىڭ اەك كلۋبىنان 5:2 ەسەبىمەن باسىم ءتۇستى. بۇل كەزدەسۋدە «اقتوبە» ۇجىمىنان بەكجان داۋلەتوۆ (16-مينۋت)، وليۆەيرا (21)، دميتري كلوچكو (27)، اسحات كولباەۆ (32) جانە نۇربەك قارا­عۇلوۆ (36) مەرگەندىگىمەن كوزگە ءتۇستى. ەندى جەرلەستەرىمىزدىڭ كەلەسى قارسىلاسى 20 قاڭ­تاردا وتەتىن جەرەبە تارتۋ راسىمىندە بەلگىلى بولادى. ال 1/8 فينالدىڭ ويىندارى 16-21 اقپان ارالىعىنا جوسپارلانعان. كەلەسى كەزەڭنىڭ باسەكەلەرى دە ءبىر ويىننان تۇرادى.

 

 

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار