جالپىمەملەكەتتىك مۇددە ەسكەرىلۋى ءتيىس

بيىلعى جىلدىڭ ءساۋىر ايىنىڭ 23-ءى كۇنى قوستاناي وبلىسىنان شىعىپ قالعان دەپۋتاتتىڭ ورنىنا پارلامەنت سەناتىنىڭ دەپۋتاتىن سايلاۋ وتەتىن بولادى. بۇل ساياسي ۇدەرىستىڭ ەرەكشەلىگى مەن بارىسى جونىندە قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى باقىت مەلدەشوۆكە جولىعىپ, بىلگەن ەدىك. – باقىت سارسەنباي ۇلى, 23 ءساۋىر­دە وتەتىن سايلاۋعا بارلىعى قان­شا كانديدات ۇسىنىلدى؟ ولار­دىڭ ىشىندە قانشاسى ۇمىتكەر رەتىندە تىركەلدى؟ – سايلاۋ زاڭناماسىنا سايكەس, سە­نات دەپۋتاتتىعىنا كانديداتتار­دى ءماسليحاتتار ۇسىنادى. بۇعان قوسا, ازاماتتاردىڭ ءوزىن-ءوزى ۇسى­نۋ­عا قۇقى بار. ال ولار كانديدات رە­تىندە تىركەلۋ ءۇشىن بارلىق ءماس­لي­حاتتار دەپۋتاتتارىنىڭ جالپى سانىنىڭ كەمىندە 10 پايىزىنىڭ قولداۋىنا يە بولۋى ءتيىس. ورتالىق سايلاۋ كوميسسياسى بەكىتكەن سايلاۋدى ازىرلەۋ مەن وتكىزۋ جونىندەگى نەگىزگى ءىس-شارا­لاردىڭ كۇنتىزبەلىك جوسپارىنا سايكەس, قوستاناي وبلىسىنان سەنات دەپۋتاتتىعىنا كانديداتتار ۇسىنۋ بيىلعى جىلدىڭ 12 اقپانى مەن 22 ناۋرىزى ارالىعىندا ءجۇردى. ال تىركەۋ ءساۋىردىڭ 2-ءسى كۇنى اياقتالدى. سايلاۋعا ەكى كانديدات تىركەلدى. ماسەلەن, اسقار مۇراتوۆ دەگەن ازامات ءوزىن-ءوزى ۇسىنۋ تارتىبىمەن, ال جەڭىس نۇرعاليەۆ دەگەن كانديداتتى قوستاناي وبلىستىق ءماسليحاتى ۇسىندى. قوستاناي وبلىستىق سايلاۋ كوميسسياسى بۇل ەكى كانديداتتى دا ءساۋىردىڭ 1-ءى كۇنى تىركەدى. – سايلاۋعا دايىندىق بارىسى تۋرالى نە ايتار ەدىڭىز؟ – بۇگىندە سەنات دەپۋتاتتىعىنا كانديداتتاردىڭ ەكەۋى دە ساي­لاۋ­ال­دى ۇگىت-ناسيحات جۇمىستارىن ءجۇر­گى­زىپ جاتىر. بۇل ۇگىت-ناسيحات جۇ­مىستارى كۇنتىزبەلىك جوسپارعا ءساي­كەس, ءساۋىردىڭ 21-ءى كۇنى ساعات 24.00-گە دەيىن جۇرەتىن بولادى. كاندي­دات­تاردىڭ ۇگىت جۇرگىزۋىنە تەڭ جاعداي جاسالعان. مەملەكەت تە ۇگىت-ناسيحات جۇمىستارى ءۇشىن تەڭ كولەمدە قار­جى ءبولىپ وتىر. بۇعان قوسا, وڭىرلىك بۇقارالىق اقپارات قۇرالدارىنا شىعۋعا دا قارجى قاراستىرىلدى. بۇل دۇرىس. سەبەبى, دەپۋتاتتى سول وڭىردەگى ازاماتتار سايلايدى عوي. تاعى ءبىر اتاپ وتەرلىگى, سايلاۋعا ءتۇس­كەن كانديدات رەسپۋبليكالىق بۇقا­را­لىق اقپارات قۇرالدارىنا شىعۋعا دا تولىقتاي قۇقىلى. الايدا, مۇن­داي جاعدايدا باق-تىڭ قىزمەتى ءۇشىن تولەمدەردى ۇمىتكەرلەر وزدەرى­نىڭ سايلاۋ قورلارى ەسەبىنەن جۇرگىزەدى. – ال سايلاۋدى ويداعىداي ءوت­كىزۋگە جالپى قانشا كولەمدە قارجى ءبولىندى؟ – سايلاۋدى وتكىزۋگە رەسپۋب­لي­كالىق بيۋدجەتتەن 2 714 500 تەڭگە بولىنگەن. – تۇسىنىكتى. بۇل شارالاردىڭ بارلىعى سايلاۋالدى ناۋقاندى كەڭ اۋقىمدا ۇيىمداستىرۋعا مۇمكىندىك بەرەدى دەيسىز عوي. – ارينە. سەنات دەپۋتاتتىعىنا سايلاۋ ناۋقانىن جۇرگىزۋگە بارلىق مۇمكىندىك قاراستىرىلعان. ءما­سەلەن, قوستاناي وبلىستىق سايلاۋ كوميسسياسى, جەرگىلىكتى مەملەكەتتىك باسقارۋ ورگاندارى كانديداتتارعا سايلاۋشىلارمەن, جەرگىلىكتى حالىق­پەن كەزدەسۋلەر وتكىزۋ ءۇشىن ءۇي-جاي­لاردى شارت نەگىزىندە جانە تەڭ جاع­دايدا ۇسىنىپ وتىر. سول سەبەپتى, كانديداتتار ءوز كەزەگىندە بۇل ءمۇم­كىندىكتەردى وزدەرىنىڭ سايلاۋالدى باعدارلامالارىنىڭ نەگىزگى مازمۇ­نىن تەك تاڭداۋشىلارعا عانا ەمەس, تۇتاس حالىققا جەتكىزۋ ءۇشىن پايدا­لا­نادى عوي دەپ ۇمىتتەنەمىن. بۇل رەتتە كانديداتتىڭ رەيتينگى, ياعني ونىڭ سايلانۋ مۇمكىندىگى سول ازا­ماتتىڭ وڭىردەگى بەدەلىنە دە بايلانىستى بولادى دەر ەدىم. – سايلاۋدىڭ قورىتىندىلارى قاشان جاريالانباق؟ – ورتالىق سايلاۋ كوميسسياسى سايلاۋدىڭ تۇپكىلىكتى قورىتىندى­لا­رىن بيىلعى جىلدىڭ 29 ساۋىرىنەن كەشىكتىرمەي شىعارادى. ال مامىر­دىڭ 2-سىنەن كەشىكتىرمەي باق-تا جاريالايتىن بولامىز. بۇل جەردە مەنىڭ ايتارىم, ول – ءماسليحاتتار دەپۋتاتتارىنا ۇلكەن جاۋاپكەرشىلىكتىڭ جۇكتەلەتىنى. سەبەبى, ەكى ۇمىتكەردىڭ بىرەۋىنە داۋىس بەرۋ كەزىندە الدىمەن جالپىمە­م­لە­كەت­تىك مۇددەنى باسشىلىققا الۋ كەرەك. اڭگىمەلەسكەن ءلايلا ەدىلقىزى.