ەلوردا • 15 قاڭتار، 2021

نۇر-سۇلتاندا بيىل كرەششەنيە ءراسىمى وتپەيدى

9 رەت كورسەتىلدى

بيىلعى ەپيدەميالىق جاعدايعا جانە ەلوردانىڭ باس سانيتارلىق دارىگەرىنىڭ قاۋلىسىنا بايلانىستى كرەششەنيە مەرەكەسىنە ارنالعان ويىقتاردا ءداستۇرلى جاپپاي شومىلۋ وتكىزىلمەيدى، دەپ حابارلايدى  Egemen.kz اكىمدىكتىڭ رەسمي سايتىنا سىلتەمە جاساپ.

18 قاڭتاردان 19-ىنا قاراعان ءتۇنى پراۆوسلاۆ حريستيان ءدىنىن ۇستانۋشىلار ءۇشىن كرەششەنيە مەرەكەسى وتەدى. الايدا بيىل ەپيدەميولوگيالىق احۋالدىڭ تۇراقسىزدىعىنا بايلانىستى نۇر-سۇلتاندا ارنايى ويىق ورناتىلمايدى.

«كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا بيىل كرەششەنيە مەرەكەسىنە ارنالعان ويىقتاردا ءداستۇرلى جاپپاي شومىلۋعا تىيىم سالىنعان. قۇلشىلىق ەتۋ كەزىندە سانيتارلىق-ەپيدەميولوگيالىق تالاپتار قاتاڭ ساقتالۋى ءتيىس، ياعني عيباداتحانا ءىشىنىڭ 30%-ى عانا تولۋى ءتيىس جانە بۇقارالىق ءىس-شارالاردى وتكىزۋگە مىندەتتى تۇردە تىيىم سالىنۋ قاجەت»، — دەدى نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا.

ءدىن ىستەرى باسقارماسىنىڭ باسشىسى نۇرداۋلەت ءالمۇحانوۆتىڭ ايتۋىنشا مەرەكە كۇندەرى شومىلۋعا جانە جۇرتشىلىقتىڭ جينالۋىنا جول بەرمەۋ ماقساتىندا مونيتورينگتىك توپتاردىڭ كۇشەيتىلگەن كەزەكشىلىگى ۇيىمداستىرىلادى.

ەستەرىڭىزگە سالا كەتەيىك، قازىرگى ۋاقىتتا ەلوردا كوروناۆيرۋس بويىنشا «قىزىل» ايماققا ءوتىپ كەتۋدىڭ الدىندا تۇر.

سوڭعى جاڭالىقتار

ۇقساس جاڭالىقتار