رۋحانيات • 15 قاڭتار، 2021

تەاتر سىنشىلارى ۇزدىكتەردى انىقتادى

129 رەت كورسەتىلدى

«حالىقارالىق تەاتر سىنشىلارى بىرلەستىگى» وتكەن جىلى اتقارىلعان جۇمىستىڭ ناتيجەسىن انىقتاۋ ماقساتىندا ەلىمىزدەگى تەاترلار اراسىندا جۇرگىزىلگەن ارنايى ساۋالناما ناتيجەسىمەن ءبولىستى، دەپ حابارلايدى Egemen.kz.

ەلىمىزدە ۇلتتىق، اكادەميالىق، مەملەكەتتىك، وبلىستىق، قالالىق مارتەبەسىن يەلەنگەن 40 ونەر ورداسى اراسىنداعى ساۋالناما بيىل ەكىنشى رەت ۇيىمداستىرىلدى.

سالا ماماندارى وتكەن جىلى كوروناۆيرۋس پاندەمياسىنا بايلانىستى تەاترلار تولىق جۇمىس ىستەي الماعانىنا قاراماستان، قىرۋار جۇمىس اتقارىلعانىن اتاپ ءوتتى. جارتى جىلدان استام جابىق تۇرعان ۇجىمداردىڭ ونلاي جۇمىسى دا، سايت پاراقشالارى دا سىنشىلاردىڭ نازارىندا بولدى. قىرىق تەاتر جىل كولەمىندە 144 جاڭا سپەكتاكلدىڭ تۇساۋىن كەسىپ، حالىقارالىق دەڭگەيدە 2 ونلاين فەستيۆال وتكىزگەن. سونىمەن قاتار تەاترتانۋشىلار ءوز تاڭداۋىن جاساپ، «سىنشىلار جۇلدەسىمەن» بىرنەشە نوميناتسيا بويىنشا ۇزدىكتەردى انىقتادى.

2020 جىلدىڭ قورىتىندىسى بويىنشا «سىنشىلار جۇلدەسىمەن» كەلەسى تەاترلار ماراپاتتالدى:
1) «باق پەن ۇزدىك جۇمىس ىستەگەن تەاتر» نوميناتسياسى بويىنشا:
- الماتى قالالىق مەملەكەتتىك قۋىرشاق تەاترى;
- اباي اتىنداعى قازاق ۇلتتىق اكادەميالىق وپەرا جانە بالەت تەاترى;
- ك.س.ستانيسلاۆسكي اتىنداعى قاراعاندى مەملەكەتتىك حالىقتار دوستىعى وردەندى ورىس دراما تەاترى.
2) «ۇزدىك سايت» نوميناتسياسى بويىنشا:
- ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى;
- «استانا وپەرا» تەاترى;
- م.گوركي اتىنداعى مەملەكەتتىك اكادەميالىق ورىس دراما تەاترى;
- ن.ساتس اتىنداعى مەملەكەتتىك اكادەميالىق بالالار مەن جاسوسپىرىمدەر تەاترى;
- مەملەكەتتىك رەسپۋبليكالىق اكادەميالىق كورەي مۋزىكالىق كومەديا تەاترى;
- قاراعاندى اكادەميالىق مۋزىكالىق كومەديا تەاترى;
3) «ونلاين فورماتتاعى ەڭ بەلسەندى تەاتر» نوميناتسياسى بويىنشا:
- اباي اتىنداعى قازاق ۇلتتىق اكادەميالىق وپەرا جانە بالەت تەاترى;
- الماتى قالالىق مەملەكەتتىك قۋىرشاق تەاترى;
- م.گوركي اتىنداعى مەملەكەتتىك اكادەميالىق ورىس دراما تەاترى;
- رەسپۋبليكالىق نەمىس دراما تەاترى;
- تەمىرتاۋ بالالار مەن جاسوسپىرىمدەر تەاترى;
4) «جىلدىڭ جاڭا ەسىمى» نوميناتسياسى بويىنشا رەجيسسەر گاۋحار اداي;
5) «ۇزدىك مەرەيتويلىق قويىلىم» (ابايدىڭ 175-جىلدىعىنا ارنالعان) نوميناتسياسى بويىنشا م.اۋەزوۆ اتىنداعى قازاق ۇلتتىق اكادەميالىق دراما تەاترىنىڭ «قارا» (رەجيسسەرى ج.جۇمانباي) سپەكتاكلى;
6) «ۇزدىك ستسەنوگرافيا» نوميناتسياسى بويىنشا م.اۋەزوۆ اتىنداعى قازاق ۇلتتىق اكادەميالىق دراما تەاترىنىڭ «ابايدىڭ جۇمباعى» قويىلىمىنىڭ سۋرەتشىسى مۇرات ساپاروۆ;
7) «ۇزدىك اكتريسا» نوميناتسياسى بويىنشا ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ «شاعالا» قويىلىمىنداعى اركادينا ءرولىن سومداعان جانار ماقاشەۆا;
8) «ۇزدىك اكتەر» نوميناتسياسى بويىنشا باتىس قازاقستان وبلىستىق ح.بوكەەۆا اتىنداعى دراما تەاترىنىڭ «مەن» قويىلىمىنداعى مەن ءرولىن سومداعان ەربول ەسەندوسوۆ;
9) «ۇزدىك بالالارعا ارنالعان قويىلىم» نوميناتسياسى بويىنشا الماتى قالاسى مەملەكەتتىك قۋىرشاق تەاترىنىڭ «ۇيشىك» cپەكتاكلى (اۆتور ە.لوكشينا، رەجيسسەرى ا.زايتسەۆ);
10) «ۇزدىك رەجيسسەر» نوميناتسياسى بويىنشا ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ «قۇلاگەر» قويىلىمى ءۇشىن فارحاد مولداعاليەۆ;
11) «ۇزدىك قويىلىم» نوميناتسياسى بويىنشا ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ «شاعالا» سپەكتاكلى (اۆتور ا.پ.چەحوۆ، رەجيسسەر ە.نۇرسۇلتان).

سوڭعى جاڭالىقتار

ۇقساس جاڭالىقتار