«پاۆلودار قالاسىنداعى ەستاي كوشەسىن پاترۋلدەۋ كەزىندە پوليتسەيلەر جول قوزعالىسى ەرەجەلەرىن بۇزعان كولىكتى بايقاعان. جۇرگىزۋشى ءوز كولىگىن «تۇرۋعا تىيىم سالىنادى» دەگەن بەلگىنىڭ جانىنا قويعان. قۇجاتتاردى ۇسىنۋىن سۇراعاندا جۇرگىزۋشى بارلىق قۇجاتتارىن ۇيدە ۇمىتىپ كەتكەنىن ايتتى. بۇدان ءارى, دەرەكتەر بازاسى بويىنشا تەكسەرۋ كەزىندە پوليتسەيلەر اۆتوكولىككە تاعىلىپ تۇرعان مەملەكەتتىك تىركەۋ ءنومىرىنىڭ بەس جىلدان استام ۋاقىت بۇرىن ەسەپتەن شىعارىلعانىن انىقتادى. كولىك قۇرالىنا كورىنەۋ جالعان نەمەسە قولدان جاسالعان مەملەكەتتىك تىركەۋ نومىرلىك بەلگىسىن ورناتۋ فاكتىسى بويىنشا جۇرگىزۋشىگە قاتىستى قر اقبتك-ءنىڭ 590-بابىنىڭ 3-بولىگى (كولiك قۇرالىنا كورiنەۋ جالعان نەمەسە قولدان جاسالعان مەملەكەتتiك تiركەۋ ءنومiرi بەلگiلەرiن (بەلگiسiن) ورناتۋ) بويىنشا اكىمشىلىك ءىس قوزعالدى, 15 اەك مولشەرىندە ايىپپۇل سالىندى», دەدى پاۆلودار قالاسى پب پاترۋلدىك پوليتسيا باتالونىنىڭ كومانديرى رەنات ءشارىپوۆ.
سونداي-اق جول بەلگىلەرىمەن نەمەسە جولدىڭ ءجۇرۋ بولىگىندەگى تاڭبالارمەن بەلگىلەنگەن تالاپتاردى ساقتاماعانى ءۇشىن اتالعان جۇرگىزۋشىگە قاتىستى اكىمشىلىك ءىس قوزعالىپ, قر اقبتك-ءنىڭ 601-بابى 1-بولىگى (جول بەلگiلەرiمەن نەمەسە جولدىڭ ءجۇرۋ بولiگiندەگi تاڭبالارمەن كورسەتiلگەن تالاپتاردى ساقتاماۋ) بويىنشا ءۇش اەك مولشەرىندە ايىپپۇل سالىندى.
ايتا كەتەيىك, جىل باسىنان بەرى پاۆلودار وبلىسىنىڭ پوليتسەيلەرى 1240 قۇقىق بۇزۋشىنى اكىمشىلىك جاۋاپكەرشىلىككە تارتتى.
