اۋعانستاننان كەلگەن پاتسيەنتكە جۇرەك تامىرلارىنا ستەنت جاسالدى, ءازىربايجان ازاماتىنا – جۇرەكتىڭ راديوجيىلىكتى ابلياتسياسىنا وتا جاسالدى, كورەي ەلىنەن كەلگەن ازاماتقا – وڭەش تامىرلارىنا ەندوسكوپيالىق ليگيلدەۋ, قىزعىزستان ازاماتىنا – جۇرەكتىڭ ەلەكتروفيزيولوگيالىق زەرتتەۋلەرى جاسالدى. گەرمانيا جانە رەسەي ازاماتتارىنا جۇرەك تامىرلارىنا كوروناروگرافيا جۇرگىزىلدى. گرۋزيا جانە وزبەكستاننان كەلگەن پاتسيەنتتەر كونسەرۆاتيۆتىك ەم قابىلدادى. سونىمەن قاتار كىا عزي-داعى مەديتسينالىق كومەكتى قازاقستاندا تۇرىپ جاتقان جانە جۇمىس ىستەيتىن شەتەل ازاماتتارى دا الىپ ءجۇر.
قازاقستان دەنساۋلىعىن وڭالتقىسى كەلەتىن شەتەلدىكتەر ءۇشىن جىلدان- جىلعا تارتىمدى بولىپ وتىر. ءبىزدىڭ ەلدە كورسەتىلەتىن مەديتسينالىق قىزمەتتەردىڭ ساپاسى شەتەلدەگىدەن كەم ەمەس, سەبەبى جوعارى بىلىكتى مەديتسينا ماماندارى جانە جوعارى تەحنولوگيالىق كلينيكالار سەكىلدى وڭ فاكتورلار قالىپتاسۋدا.
كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا زاماناۋي جوعارى تەحنولوگيالىق جابدىقتار, عىلىمي-زەرتتەۋ جانە كلينيكالىق بازا بار. مۇندا ءوز ءىسىنىڭ شەبەرلەرى جۇمىس ىستەيدى, پاتسيەنتتەر وسى ماماندارعا الدىن الا جازىلىپ, ەمدەلىپ نەمەسە وتا جاساتقىسى كەلەدى. سوندىقتان رەسپۋبليكامىزدىڭ بارلىق وڭىرلەرىنەن, جاقىن جانە الىس شەتەلدەردەن ەمدەلۋگە كەلەدى. اقىلى نەگىزدە كلينيكادا ەمدەلگەن شەتەلدىك ازاماتتاردىڭ سانى 2020 جىلى بارلىق ەمدەلگەن ناۋقاستاردىڭ 2,5% قۇرادى.
قازاقستاندا مەديتسينالىق ءتۋريزمنىڭ دامۋى دەنساۋلىق ساقتاۋ سالاسىن دامىتۋعا قوسىمشا ستيمۋل بەرەتىندىگىن اتاپ وتكەن ءجون.
