جەلتوقسان ايىنىڭ قورىتىندىسى بويىنشا حالىقتىڭ ينفلياتسيالىق كۇتۋلەرى ءبىرشاما تومەندەدى. 2020 جىلى جەلتوقساندا ينفلياتسيالىق كۇتۋلەردىڭ ساندىق باعاسى ءبىر جىل العا, ياعني 7,6%-دى قۇرادى (2020 جىلعى قاراشادا – 7,8%).
كەلەسى 12 اي ىشىندە باعانىڭ قازىرگى ءوسۋ قارقىنىنىڭ ساقتالۋىن نە باعانىڭ نەعۇرلىم جىلدام ءوسۋىن كۇتەتىن رەسپوندەنتتەردىڭ ۇلەسى 50%-عا دەيىن (2020 جىلعى قازاندا 52%) تومەندەدى. بەلگىسىزدىك دەڭگەيى ءۇشىنشى اي قاتارىنان جوعارى دەڭگەيدە ساقتالۋدا – رەسپوندەنتتەردىڭ 29%-ى ءوز كۇتۋلەرىن باعالاۋعا قينالدى (قاراشادا – 31%).
بۇل رەتتە وتكەن ايدا باعانىڭ ءوسۋىن باعالاۋدا ازىق-ت ۇلىك ونىمدەرىنە (2020 جىلعى جەلتوقساندا – 88%, قاراشادا – 85%), اتاپ ايتقاندا, وسىمدىك مايىنا, نان-توقاش ونىمدەرى مەن جارماعا باعانىڭ جىلدام ءوسۋىن اتاپ وتكەن رەسپوندەنتتەردىڭ ۇلەسى جوعارى بولدى.
تۇتىنۋشىلاردىڭ كوڭىل-كۇيىنىڭ جاقسارۋ تەندەنتسياسى قازىرگى قارجىلىق جاعدايدى جاقسى باعالاۋ مەن ەكونوميكالىق دامۋدىڭ وڭ ناتيجەلەرى ارقاسىندا قالىپتاسىپ وتىر. جەلتوقساندا ءىرى كولەمدە ساتىپ الۋعا دەگەن دايىندىق ءبىرشاما ءوستى, دەگەنمەن, ءىس جۇزىندە سوڭعى ءۇش ايدا ساتىپ الۋ سانى ازايدى.
