2021 جىلى قوستاناي وبلىسىنىڭ نۇر-سۇلتان قالاسىنا وتەتىن جولى اقىلى بولادى. اندرەي گورۆاتتىڭ ايتۋىنشا, اقىلى جولدىڭ ۇزىندىعى 422 شاقىرىمعا سوزىلعان. بۇعان قوسا قوستاناي وبلىسىنىڭ رەسەيمەن شەكتەسەتىن فەدوروۆ جانە قارابالىق اۋداندارىنىڭ جولدارىنا دا جولاقى جۇيەسى ەنگىزىلۋى مۇمكىن.
«اقىلى بەكەتتەر جاقىن ارادا قويىلادى. مۇنداي شارا رەسپۋبليكالىق بيۋدجەتكە تۇسەتىن اۋىرتپالىقتى ازايتۋ ءۇشىن ەنگىزىلدى. اقىلى جولدان تۇسكەن پايدا وبلىستاعى جولداردى جوندەۋگە جۇمسالادى. باستاپقىدا اقشا تەك جۇك كولىكتەرىنىڭ جۇرگىزۋشىلەرىنەن جينالادى. جول ءجۇرۋ قۇنى كولىكتىڭ جۇك كوتەرگىشتىگىنە بايلانىستى بولادى. ناقتى تاريف قۇنى ءالى تالقىلانادى. الدىمەن قارجى مينيسترلىگىنە شىعىپ, ءتيىستى قۇجاتتاردى بەكىتەمىز. بىراق جولعا ەنگىزىلەتىن باعا ششۋچە-بۋرابايداعى جولدان قىمبات بولماۋى ءتيىس», دەپ اتاپ ءوتتى اندرەي گورۆات.
قوستاناي وبلىسىنداعى اقىلى جولدارىنا شلاگباۋمدار ورناتىلمايدى.
مۇندا تەك ارنايى باقىلاۋ كامەرالارى قويىلادى. كامەرالار جۇك ماشينالارىنىڭ نومىرلەرىن تىركەيدى, ال جولدى پايدالانۋ ءۇشىن تولەمدى ونلاين نەمەسە قولما-قول اقشامەن 2 بەكەتتە تولەۋگە بولادى.
