«اقجايىق» فۋتبول كلۋبىنىڭ ديرەكتورى ازامات شايحىنىڭ ايتۋىنشا, ۆ.مازيار بۇدان بۇرىن دا كوماندانى جاتتىقتىرعان بولاتىن. 2018 جىلعى ماۋسىمدا ۋكراينالىق مامان باس باپكەر بولعان كەزدە «اقجايىق» پرەمەر-ليگادا توعىزىنشى تۋردان كەيىن التىنشى ورىندا تۇرعان ەدى.
ۆ.مازياردىڭ ويىنشى رەتىندە دە تاجىريبەسى مول. سپورتتىق جولىندا ءتۇرلى كوماندالاردا 300-دەن استام ماتچ وتكىزگەن شابۋىلشى 79 گول سوقتى. ۋكراينا, سودان كەيىن ازەربايجان چەمپيوناتتارىندا ونەر كورسەتىپ, ۇزدىكتەر قاتارىنان كورىندى.
ءوز ەلىندە 43 جاستاعى مامان «ستال» (دنەپرودزەرجينسك), «ۆەرەس» (روۆنو), «رۋح» (ۆيننيكي), «پولەسە» (جيتومير) كوماندالارىن جاتتىقتىردى. ءوز كلۋبتارىنىڭ شەبەرلىگىن ارتتىرىپ, ەكىنشى ليگادان بىرىنشىگە, ءبىرىنشى توپتان ۋكراينانىڭ پرەمەر-ليگاسىنا الىپ شىقتى.
