پارلامەنت • 13 قاڭتار، 2021

«مۇنداي بولادى دەپ ويلاعان جوقپىن» ەلىمىزدەگى ەڭ جاس دەپۋتات نەگە جىلادى؟

9444 رەت كورسەتىلدى

تاياۋداعى سايلاۋدا ماجىلىستەگى «Nur Otan» پارتياسى فراكتسياسىنىڭ قۇرامى 70%-عا جاڭاردى. ورتاشا جاسى − 49، ياعني 4 جىلعا جاساردى، دەپ حابارلايدى Egemen.kz

پارتيا توراعاسىنىڭ پارلامەنت ماجىلىسىندەگى جاستار مەن ايەلدەردىڭ ۇلەسىن ارتتىرۋ جونىندەگى تاپسىرماسى ناقتى ىسكە اسىرىلدى. ياعني «Nur Otan» فراكتسياسىنىڭ جاڭا قۇرامىنىڭ 40%-ى ايەلدەر مەن 35 جاسقا دەيىنگى جاستاردان تۇرادى.

سولاردىڭ ىشىندە پارلامەنت ماجىلىسىندە ەڭ جاس دەپۋتات بولىپ ءمادي ابىلاي ۇلى احمەتوۆ سايلاندى. ونىڭ جاسى ءنابارى 25-تە. بۇعان دەيىن «Nur Otan» فراكتسياسىنداعى ەڭ جاس دەپۋتات گەننادي شيپوۆسكيح بولعان ەدى.

پرايمەريز سايلاۋىندا توپ اراسىنان ەرەن شىققان ءمادي احمەتوۆ بۇعان دەيىن كوپشىلىككە: «الماتى قالاسىندا ەلباسىنا ەسكەرتكىش ورناتۋ كەرەك» دەگەن ۇسىنىسىمەن تانىلعان-دى.

ءمادي احمەتوۆتىڭ ءوزى اتالعان جاڭالىققا ءبىراز تاڭىرقاپ قالعانىن جەتكىزدى.

«شىنىمدى ايتسام، مۇنداي بولادى دەپ ويلاعان جوقپىن. جاڭا عانا اناشىممەن سويلەسىپ، قۋانىشتان كوزىمە جاس الدىم. ارينە دەپۋتاتتىققا ءۇمىتىم بولدى. بىراق مۇنداي بولارىنا سەنگەن جوقپىن»، دەيدى ءمادي احمەتوۆ.

ءمادي ابىلاي ۇلى احمەتوۆ 1995 جىلى 18 قىركۇيەكتە الماتى قالاسىندا دۇنيەگە كەلگەن. جوعارى ءبىلىمدى ازامات ءوزىنىڭ ەڭبەك جولىن ءى حالىقارالىق جۋرناليستيكا جانە كوممۋنيكاتسيا قىسقى مەكتەبى ۇيىمداستىرۋ كوميتەتىندە (2013 ج.)، ءىى-ءىىى حالىقارالىق جۋرناليستيكا جانە كوممۋنيكاتسيا جازعى مەكتەبىندە (2014-2015 ج.ج.)، ءاليا نازارباەۆانىڭ «جاندانۋ» جوباسى اياسىندا قازاقستان رەسپۋبليكاسى جاستارىنىڭ ءى ۇلتتىق ەكولوگيالىق فورۋمىندا، ءى حالىقارالىق «ماڭگىلىك ەل» ۇلتتىق يدەياسى: مادەني كاپيتالدى قالىپتاستىرۋ ماسەلەلەرى» گۋمانيتارلىق فورۋمىندا (2014 ج. 4 جەلتوقسان)، جانە IV دۇنيەجۇزىلىك تۇرىكتەر فورۋمىندا (تۇركيا، ستامبۋل 2015 ج. 23-24 ءساۋىر) كومانداسىندا جۇمىس ىستەگەن. ول بۇعان دەيىن 23 جاسىندا جوو دەكان ورىنباسارى بولسا، كەيىننەن Nur Otan پارتياسى Jas Otan جاستار قاناتىنىڭ الماتى بويىنشا توراعاسى لاۋازىمىندا قىزمەت اتقارعان.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار