وڭىرلىك كوممۋنيكاتسيالار قىزمەتىندە وتكەن بريفينگتە وبلىستىڭ باس سانيتاريالىق دارىگەرى نۇربەك نىشانوۆ ەپيدەمياعا قارسى اتقارىلىپ جاتقان ءىس-شارالارعا توقتالىپ, ناۋقاستار بويىنشا انىقتالعان 59 وشاقتا دەزينفەكتسيالىق جۇمىستار جۇرگىزىلگەنىن ايتتى.
«وشاقتارداعى قارىم-قاتىناستاعىلار سانى - 313. سونىمەن قاتار, ءموبيلدى توپتارمەن جۇرگىزىلگەن مونيتورينگتىك جۇمىستارىنىڭ ناتيجەسى بويىنشا 1-12 قاڭتار ارالىعىندا 2 254 نىسان قامتىلىپ, 171 ايىپپۇل سالىندى. ونىڭ ىشىندە قر اقب كودەكسىنىڭ 425 بابىنىڭ 1 تارماعىمەن 168 جەكە تۇلعاعا - 30 اەك كولەمىندە (7 350 840 تگ), 3 جەكە كاسىپكەرگە - 230 اەك ( 1 006 365 تگ) كولەمىندە ايىپپۇلدار سالىندى», دەدى نۇربەك سادىقبەك ۇلى.
سونداي-اق, بريفينگكە قاتىسقان وبلىستىق قوعامدىق دەنساۋلىق باسقارماسى باسشىسىنىڭ ورىنباسارى نۇرحان نارىمبەتوۆا وبلىس بويىنشا 610 ينفەكتسيالىق جانە 340 كارانتيندىك توسەك-ورىن ۇيىمداستىرىلعانىن ايتتى.
«بۇگىنگى تاڭعا, ينفەكتسيالىق توسەك-ورىندار سانىنىڭ جۇكتەمەسى – 18,2%. كارانتيندىك توسەك-ورىننىڭ جۇكتەمەسى - 10% (33 ادام). كوروناۆيرۋستىق ينفەكتسيانىڭ ءتۇرلى ستسەناريىنە بايلانىستى ينفەكتسيالىق توسەك-ورىندار سانىن 5 610-عا دەيىن ۇلعايتۋعا مۇمكىندىك بار», دەدى باسقارما باسشىسىنىڭ ورىنباسارى.
