ۇلتتىق مەكتەپ ليگاسى اياسىندا ۆولەيبولدان مەكتەپ وقۋشىلارى اراسىندا ۇيىمداستىرىلعان قالالىق ىرىكتەۋ ويىندارىن تاماشالاۋعا كەلگەن تۇركىستان وبلىسىنىڭ اكىمى ومىرزاق شوكەەۆ وقۋشىلارعا ساتتىلىك تىلەدى.
«ادال جانە جىگەرلى كۇش سىناسۋدا جەڭىسكە دەگەن ۇمىتتەرىڭىزدى ۇزبەڭىزدەر. ۇدايى شىڭدالىپ, شەبەرلىك پەن ماشىقتى جيناقتاۋعا ۇمتىلىڭىزدار. الداعى ۋاقىتتاردا تۋىمىزدى ءاردايىم, الەمنىڭ بارلىق نۇكتەلەرىندە جاڭا جەڭىستەرمەن جەلبىرەتىپ, سىزدەرگە امانات ەتەر ەڭ باستى بايلىعىمىز, ءبىزدىڭ بارشا تابىستارىمىزدىڭ كىلتى – ەل بىرلىگىن ساقتاۋعا كۇش سالۋلارۋىڭىزعا تىلەكتەسپىن», دەدى وبلىس اكىمى.
ۇلتتىق مەكتەپ ليگاسى اياسىندا فۋتبول, باسكەتبول, گاندبول, ۆولەيبولدان وتەتىن جارىستا وقۋشىلارعا سپورت مەكتەبىنەن باپكەر, كاسىبي مامان بەكىتىلگەن. ليگا جارىستارى چيرليدينگ, ياعني ۇيلەسىمدى سپورت ءتۇرى فورماتىندا ۇيىمداستىرىلادى.
ءار مەكتەپ كوماندالارىنىڭ ءوز لوگوتيپتەرى مەن ۇراندارى جاسالعان. ارنايى سپورتتىق فورمالارىمەن قامتاماسىز ەتىلگەن. مەكتەپ وقۋشىلارىن جارىسقا ارنايى اۆتوبۋستار تاسىمالدايدى. بۇل ليگادا وبلىستاعى ەڭ ۇزدىك دەگەن سپورتشى وقۋشىلار ونەر كورسەتەدى.
جەڭىمپاز بولعان كوماندا وبلىستىق, رەسپۋبليكالىق, حالىقارالىق مەكتەپ وقۋشىلارى اراسىندا سپورتتىق جارىستارعا قاتىسىپ, ەل نامىسىن قورعايدى. ناۋرىز ايىندا وبلىستىق چەمپيوناتتا ءار اۋدان, قالادان ۇزدىك كوماندالار ءوزارا ىرىكتەۋگە قاتىسىپ, جەڭىمپازدار ماراپاتتالادى.
