ساياسي پارتيالاردىڭ الماتى قالاسى ءماسليحاتى دەپۋتاتتىعىنا كانديداتتاردى ۇسىنۋى ەكى اي بۇرىن باستالىپ, سايلاۋ كۇنىنە ءبىر اي قالعاندا جەرگىلىكتى ۋاقىت بويىنشا 18.00-دە اياقتالدى. الماتى قالاسىنىڭ اۋماقتىق سايلاۋ كوميسسياسى 5 ساياسي پارتيادان 118 كانديداتتى تىركەدى.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس ءماسليحات دەپۋتاتى بولىپ سايلانۋ ءۇشىن ازامات كونستيتۋتسيانىڭ 86-شى بابىبنىڭ 3-ءشى تارماعىندا بەلگىلەنگەن تالاپتارعا ساي بولۋى, سونداي-اق, كونستيتۋتسيانىڭ 33-ءشى بابىنىڭ 2-ءشى جانە 3-ءشى تارماقتارىنا جانە وسى كونستيتۋتسيالىق زاڭعا سايكەس سايلاۋ قۇقىعىنا يە بولۋ كەرەك.
الماتى قالاسى ءماسليحاتى سايلاۋىنىڭ قورىتىندىلارىنا سايكەس پارتيالىق تىزىمدەر بويىنشا داۋىستار مىناداي بولىپ ءبولىندى: سايلاۋشىلاردىڭ 68,11% «Nur Otan» پارتياسىنا داۋىس بەردى, قازاقستاننىڭ «اق جول» دەموكراتيالىق پارتياسى 10,11% داۋىسقا يە بولدى, «اۋىل» دەموكراتيالىق پاتريوتتىق پارتياسى سايلاۋشىلاردىڭ 7,68% داۋىسىن الدى, قازاقستان حالىق پارتياسى - 7,31% جانە «ادال» ساياسي پارتياسى - 6,79% داۋىس الدى.
الماتى قالاسى اۋماقتىق سايلاۋ كوميسسياسىنىڭ شەشىمىنە سايكەس داۋىس بەرۋ قورىتىندىلارى بويىنشا ساياسي پارتيالار اراسىندا دەپۋتاتتىق مانداتتاردى ءبولۋ كەزەگى انىقتالدى.
- «Nur Otan» پارتياسى
- قازاقستاننىڭ «Aك جول» دەموكراتيالىق پارتياسى
- «اۋىل» دەموكراتيالىق پاتريوتتىق پارتياسى
- قازاقستان حالىق پارتياسى
جاننا اسانوۆا ايتۋىنشا, «Nur Otan» پارتياسى 29 دەپۋتاتتىق ماندات الدى, قازاقستاننىڭ «Aك جول» دەموكراتيالىق پارتياسى 4 مانداتقا يە بولدى, ال «اۋىل» دەموكراتيالىق پاتريوتتىق پارتياسى مەن قازاقستان حالىق پارتياسى ارقايسىسى 3 مانداتتان الدى.
ەستەرىڭىزگە سالا كەتەيىك, پارتيالىق ءتىزىم بويىنشا الماتى قالاسى ءماسليحاتىنا داۋىس بەرۋ 2021 جىلدىڭ 10-شى قاڭتارىندا جەرگىلىكتى ۋاقىت بويىنشا ساعات 7.00-دەن 20.00-گە دەيىن ءوتتى. سايلاۋشىلاردىڭ بەلسەندىلىگى 30,25% پايىزدى قۇرادى.
