مودەرنيزاتسيالاۋ باعدارلاماسى قالا اكىمى باقىتجان ساعىنتاەۆتىڭ تاپسىرماسى بويىنشا قولعا الىندى. الماتىنىڭ مەديتسينالىق ۇيىمدارىنىڭ ماتەريالدىق-تەحنيكالىق جابدىقتالۋىن جاقسارتۋ ءۇشىن 2020 جىلى جەرگىلىكتى بيۋدجەتتەن 43,1 ملرد تەڭگە ءبولىندى.
بۇل قارجىعا ءوجج 285 اپپاراتى, جوعارى اعىندى O2FLO وتتەگى تەراپياسىنىڭ 250 اپپاراتى, 1050 وتتەگى كونتسەنتراتى ساتىپ الىندى.
الماتى قوعامدىق دەنساۋلىق باسقاراماسىنا قاراستى مەديتسينالىق ۇيىمدارعا 47 بىرلىكتەگى رەنتگەن اپپاراتى, 52 ۋزي اپپاراتى بەرىلدى.
سونداي-اق, «ورتالىق قالالىق كلينيكالىق اۋرۋحانا» شجق مكك, ي. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسى» شجق مكك, ءمودۋلدى ورتالىققا, «بالالاردىڭ قالالىق كلينيكالىق جۇقپالى اۋرۋلار اۋرۋحاناسى» شجق مكك, «جەدەل مەديتسينالىق كومەك كورسەتۋدىڭ قالالىق اۋرۋحاناسى» شجق مكك,«فتيزيوپۋلمونولوگيا ورتالىعى» شجق مكك-لەرگە 6 وتتەگى ستانتسياسى ورناتىلدى.
مودەرنيزاتسيالاۋ اياسىندا №4 قالالىق كلينيكالىق اۋرۋحاناعا ورناتىلعان جاڭا ءمۋلتيسپيرالدى مسكت – Hitachi Supria, 128 ءتىلىمدى كومپيۋتەرلىك توموگرافيا ىسكە قوسىلدى. ونىڭ ارتىقشىلىعى, جۇرەك پەن كورونارلىق ارتەريالاردىڭ اتەروسكلەروتيكالىق وتكىزگىشتىگىن انىقتايدى ءارى تەز سكانەر جاسايدى, ويتكەنى ءتيىستى حاتتامالار جاساۋ ءۇشىن جەدەل سكانەرلەۋ قاجەت.
16 ءتىلىمدى اپپاراتتا ءبىر اناتوميالىق دەنەنى سكانەرلەۋ 12-دەن 35 سەكۋندقا دەيىن سوزىلاتىن بولسا, 128 ءتىلىمدى اپپاراتتا سكانەرلەۋ 8 ەسە جىلدام جاسالادى.
