ءبىلىم • 12 قاڭتار، 2021

ەلدى مەكەندەردەگى كوللەدج ستۋدەنتتەرى ءداستۇرلى فورماتقا كوشەدى

127 رەت كورسەتىلدى

ەكىنشى سەمەستردەن باستاپ قازاقستاندىق كوللەدجدەردە وقۋ پروتسەسى ءداستۇرلى، قاشىقتان جانە ارالاس فورماتتا جالعاسادى، دەپ حابارلايدى Egemen.kz

اۋىلدىق جەرلەردە جانە شاعىن قالالاردا ورنالاسقان 97 كوللەدج ءوز ستۋدەنتتەرى ءۇشىن وقۋدى ءداستۇرلى فورماتتا ۇيىمداستىرادى. سونداي-اق قر ءىىم مەن قر قم جانىنداعى 14 كوللەدجدىڭ ستۋدەنتتەرى وقۋ ورىندارىندا وقيتىن بولدى.

قالعان كوللەدجدەردە ءبىرىنشى كۋرس ستۋدەنتتەرى ءۇشىن، اتاپ ايتساق ستۋدەنتتەرىنىڭ جالپى سانىنىڭ شامامەن 31%-ى ءۇشىن وقىتۋ ارالاس فورماتتا ۇيىمداستىرىلادى.

ءبىرىنشى كۋرس ستۋدەنتتەرى ءۇشىن بارلىق سانيتارلىق-ەپيدەميالىق تالاپتاردى ساقتاي وتىرىپ، وقىتۋ پاندەرىنىڭ 70%-ى ءداستۇرلى فورماتتا جانە 30%-ى قاشىقتان وتكىزىلەدى. تجكب ۇيىمى وقۋ جۇمىس جوسپارلارىنا سايكەس شتاتتىق جانە قاشىقتان وقىتۋ فورماتتارىندا وقىتۋدى وتكىزۋ ءۇشىن پاندەر تىزبەسىن دەربەس ايقىندايدى.

اۋديتوريالىق ساباقتاردىڭ ۇزاقتىعى 45 مينۋتتان اسپايدى، كوللەدج اكىمشىلىگى يكەمدى كەستە قۇرادى. كابينەتتەردە ۇزىلىستەر اراسىندا جانە ساباقتان سوڭ سانيتارلىق تازالاۋ جۇمىستارى جۇرگىزىلەدى.

2-4 كۋرس ستۋدەنتتەرى ارالاس فورماتتا وقيدى. تەحنيكالىق، تەحنولوگيالىق، اگرارلىق باعىتتار بويىنشا وقيتىن ستۋدەنتتەر ءۇشىن ساباقتار قاشىقتان، زەرتحانالىق جانە پراكتيكالىق ساباقتار، وندىرىستىك وقىتۋ جانە كاسىپتىك پراكتيكا ءداستۇرلى فورماتتا ۇيىمداستىرىلاتىن بولادى. قورىتىندى اتتەستاتتاۋ دا شتاتتىق رەجيمدە وتەدى.

پەداگوگيكالىق، ەكونوميكالىق، IT، الەۋمەتتىك جانە گۋمانيتارلىق ماماندىقتار بويىنشا 2-4 كۋرس ستۋدەنتتەرى وقۋدى قاشىقتان وقىتۋ فورماتىندا جالعاستىرادى.

ەستەرىڭىزگە سالا كەتەيىك، كوللەدجدەردە وقۋ پروتسەسىن ۇيىمداستىرۋ جەرگىلىكتى باس سانيتارلىق دارىگەرلەردىڭ شەشىمى بويىنشا جۇزەگە اسىرىلادى.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار