«ەكونوميكانى قولداۋ ءۇشىن مەملەكەت باسشىسىنىڭ داعدارىسقا قارسى باستامالارىن ىسكە اسىرۋ جالعاسىن تاپتى.
«قاراپايىم زاتتار ەكونوميكاسى» باعدارلاماسىنا 2020 جىلعى 31 جەلتوقسانداعى جاعداي بويىنشا كاسىپكەرلەردەن 1 ترلن تەڭگەگە 1 373 ءوتىنىم كەلىپ ءتۇستى. ونىڭ ىشىندە بانكتەر جالپى سوماسى 658,9 ملرد تەڭگەگە 854 ءوتىنىمدى ماقۇلدادى, 516,2 ملرد تەڭگەگە 778 قارىز بەرىلدى», دەدى ول.
سونىمەن قاتار ول كاسىپكەرلىك سۋبەكتىلەرىن جەڭىلدىكپەن كرەديتتەۋ باعدارلاماسى بويىنشا 2020 جىلى 31 جەلتوقساندا كاسىپكەرلەر 612,5 ملرد تەڭگەگە 2 493 ءوتىنىم بەرگەنىن ايتتى.
«474,6 ملرد تەڭگەگە 1 733 ءوتىنىم ماقۇلداندى, 528 ملرد تەڭگەگە 5 158 قارىز بەرىلدى. ونىڭ ىشىندە 136 ملرد تەڭگەگە 2 454 قارىز بۇرىن بەرىلگەن قارىزداردى وتەۋدەن تۇسكەن اقشا ەسەبىنەن بەرىلىپ وتىر», دەدى ەربولات دوساەۆ.
