وسى ماقساتتا «شىعىس – ادالدىق الاڭى» جوبالىق كەڭسەسىنىڭ جەتەكشىسى مارجان باحىت وسكەمەن قالاسىندا ورنالاسقان تۇراقتاندىرۋ قورىنىڭ پاۆيلوندارىنا بارىپ, الەۋمەتتىك ماڭىزى بار ونىمدەردىڭ بەكىتىلگەن باعاعا ساي ساتىلۋىنا جانە ساپاسىنا قوعامدىق مونيتورينگ جۇرگىزدى.
قازىرگى ۋاقىتتا وسكەمەن قالاسىندا اكك 18 ساۋدا نۇكتەسىندە ىسكە اسىرىلۋدا (13 جۇمىس ىستەيدى, كونكۋرستى وتكىزۋ ساتىسىندا 5 پاۆيلون), سەمەي قالاسىندا 11 پاۆيلون (5 جۇمىس ىستەيدى, كونكۋرستى وتكىزۋ ساتىسىندا 6). اكك پاۆيلوندارىندا ساتۋ ساۋدا ۇستەمەسىن قولدانباي جۇزەگە اسىرىلادى. بارلىق ساۋدا نۇكتەلەرى سايكەستەندىرىلگەن, بەلگىلەرمەن, پلاكاتتارمەن, باعا بەلگىلەرىمەن ايقىندالعان. اكك كونكۋرستىق نەگىزدە كاسىپكەرلەرگە ساۋدا پاۆيلوندارىن جالعا بەرەدى. بۇدان باسقا, وسكەمەن, سەمەي قالالارى مەن اۋدان اكىمدىكتەرى ەڭ تومەنگى ساۋدا ۇستەمەسىمەن ونىمدەردى ساتۋ ءۇشىن ايماقتىڭ ازىق-ت ۇلىك ساۋدا كاسىپورىندارىمەن مەموراندۋمدار جاساۋ بويىنشا تۇراقتى نەگىزدە جۇمىس جۇرگىزۋدە. مەموروندۋمعا سايكەس اكك ۇسىنعان ونىمدەر باعاسىن 15%-تەن اسىرماي ساتۋعا رۇقسات بەرىلگەن.
«شىعىس – ادالدىق الاڭى» جوبالىق كەڭسەسى الەۋمەتتىك ماڭىزى بار ونىمدەردىڭ شەكتىك باعادان اسىپ كەتپەۋىنە ۇنەمى قوعامدىق باقىلاۋ جۇرگىزەتىن بولادى.
