ء«بىز, ۇجىمدىق قاۋىپسىزدىك تۋرالى شارت ۇيىمى (ۇقشۇ) بايقاۋشىلار ميسسياسى پارلامەنتتىك اسسامبلەيا توراعاسى ۆياچەسلاۆ ءۆولوديننىڭ وكىمىمەن بىرنەشە كۇننەن بەرى قازاقستاندامىز. بۇل ميسسياعا ۇقشۇ ەلدەرىنىڭ بارلىعى كىرەدى. سايلاۋ كۇنى نۇر-سۇلتانداعى 49 سايلاۋ ۋچاسكەسىندە بولدىق. بىردە-ءبىر زاڭبۇزۋشىلىق تىركەلگەن جوق. سايلاۋ وتە جوعارى دەڭگەيدە ۇيىمداستىرىلدى. پاندەمياعا بايلانىستى قورعانىش قۇرالدارى, ءبىر رەتتىك ماسكالار مەن قولعاپتار تاراتىلدى. وسىناۋ كۇردەلى ۋاقىتتا قازاقستان سايلاۋدى قالاي ۇيىمداستىرعانىن كوردىك جانە وزگە ەلدەر دە قازاقستاندىق تاجىريبەنى قولدانادى دەپ ويلايمىن», دەيدى ول.
ۋماحانوۆتىڭ ايتۋىنشا, ۇقشۇ بايقاۋشىلارى قازاقستاننىڭ بارلىق ءوڭىرىن ارالاپ شىققان. ء«بىز كەشە سايلاۋ ۋچاسكەلەرى جابىلعان سوڭ سايلاۋ كوميسسياسى مۇشەلەرىمەن كەزدەسىپ, جۇمىستى قورىتىندىلادىق. ءبىزدىڭ وكىلدەر جۇرگىزگەن جۇمىستا بىردە-ءبىر زاڭبۇزۋشىلىق بولماعانىن تاعى ءبىر قايتارا ايتقىم كەلەدى. مەن ءوزىم مەملەكەتتىك دۋمانىڭ ەكى شاقىرىلىمىندا دەپۋتات بولا ءجۇرىپ كوپتەگەن سايلاۋدا بايقاۋشى بولدىم. بىراق قازاقستانداعى سايلاۋ سەكىلدى جوعارى دەڭگەيدەگى ۇيىمداستىرۋ وتە سيرەك كەزدەسەدى», دەپ باعالادى حالىقارالىق بايقاۋشى.
