سەنات دەپۋتاتتارى مۇرات باقتيار ۇلى مەن ءلاززات سۇلەيمەن قىزىلوردا وبلىسى جاڭاقورعان اۋدانىنداعى زاماناۋي قۇرال-جابدىقپەن جابدىقتالعان «Orda-سىعاناق» شيپاجايىنداعى قىزمەتكەرلەرىمەن كەزدەستى. كەزدەسۋدە تۋريزم سالاسىنا قاتىستى مەملەكەت تاراپىنان كورسەتىلىپ جاتقان جەڭىلدىكتەر مەن قولداۋلار تۋرالى جان-جاقتى اڭگىمە قوزعالدى. اۋداندىق ورتالىق ستاديوندا سپورتشىلارمەن جانە نۇسقاۋشىلارمەن كەزدەسۋ بارىسىندا جاقىندا ەلىمىزدىڭ كەيبىر زاڭنامالىق اكتىلەرىنە مادەنيەت، دەنە شىنىقتىرۋ جانە سپورت ماسەلەلەرى بويىنشا تۇزەتۋلەر قابىلداۋ تۋرالى زاڭنىڭ نەگىزگى ماقساتتارى مەن مىندەتتەرىن تولىقتاي ءتۇسىندىرىپ بەردى. دەپۋتاتتار اۋدانداعى 600 بالاعا ارنالىپ سالىنىپ جاتقان ورتا مەكتەپتىڭ قۇرىلىس الاڭىنا بارىپ، قۇرىلىسشىلارمەن كەزدەستى. مەكتەپ قۇرىلىسى وسى جىلى اياقتالىپ 1 قىركۇيەكتە قولدانىسقا بەرىلەتىنى ايتىلدى. سەناتورلار شيەلى اۋدانىنداعى تسەمەنت زاۋىتىنىڭ جۇمىسشىلارمەن، اۋداندىق كوپسالالى اۋرۋحانا دارى­گەر­لەرىمەن، شيەلى يندۋستريالىق-اگرار­لىق كوللەدجىنىڭ مۇعالىمدەرىمەن كەزدەس­تى. شيەلى اۋدانىنىڭ قارتتارىمەن كەزدە­سۋدە «ارداگەرلەر تۋرالى» زاڭنىڭ مۇم­كىندىكتەرى مەن مىندەتتەرى تۋرالى ايتىلدى.

* * *

سەناتورلار باقتىباي شەلپەكوۆ پەن سۇيىندىك الداشەۆ ماڭعىستاۋ وبلىسى جاڭاوزەن قالاسىندا گاز-پورشەندى ەلەكتر ستانساسىنىڭ ۇجىمىمەن كەزدەستى، جاڭادان اشىلعان جۇمىس ورىندارىن كوردى جانە ەكونوميكانى ءارتاراپتاندىرۋ، يندۋس­تريالاندىرۋ جانە وتاندىق تاۋارلاردى سىرتقى نارىققا شىعارۋ ماسەلەلەرىمەن تانىستى. جاڭاوزەن قالاسىنداعى قانت زاۋىتىنىڭ ەڭبەك ۇجىمىمەن كەزدەسۋدە 2020 جىلى قازاقستاندا قابىلدانعان جاڭا زاڭدار، ولارعا ەنگىزىلگەن تۇزە­تۋ­لەر مەن تولىقتىرۋلار تۋرالى ايتىلىپ، قويىلعان سۇراقتارعا جاۋاپ بەردى. ء«بىلىم-يننوۆاتسيا» ليتسەي-ينتەر­نا­تى­نىڭ ۇستازدارىمەن، «مۇ­نايشى» مادە­نيەت ۇيىندە قالا تۇرعىن­دا­رىمەن كەزدە­سۋدە پەداگوگتەردىڭ قوعام­دا­عى بەدەلى­نىڭ كوتەرىلۋىمەن قاتار، ولار­دىڭ ەڭبەكاقىسىنىڭ ۇلعايۋى، جاڭا­وزەن قا­لاسىنىڭ وڭتۇستىگىنە تامان 70 شاقى­رىم­دا ورنالاسقان «كەندىرلى» ايماعىن­داعى توقماق جەرىندە سۋ تۇششىتۋ زاۋىتى قۇرى­لىسىن سالۋ جوسپارى تۋرالى ايتىلدى.

* * *

سەنات دەپۋتاتتارى ءابدالى نۇراليەۆ پەن بەكبولات ورىنبەكوۆ جامبىل وبلى­سىن­داعى جۇمىس ساپارى بارىسىندا تاراز­­داعى بىرقاتار نىساندى ارالاپ، قا­لانىڭ تىنىس-تىرشىلىگىمەن تانىستى. سەنات دەپۋتاتتارى №4 ورتا مەكتەپ­­تىڭ ەسكى عيماراتىن جاڭعىرتۋ جۇمىس­­تارى مەن ءا.بوكەيحانوۆ اتىنداعى №1 گيم­­نازياعا قوسىمشا رەتىندە سالىنىپ جات­قان 300 وقۋشىعا ارنالعان عيما­رات قۇرى­لىسىن كوردى. كوروناۆيرۋس قاۋپى سەيىلمەگەن شاقتا ينفەكتسيانىڭ تارا­لۋى­نا قارسى جانە ەمدەۋ شارالارىنا دايىندىقتى تەكسەرۋ دە نازاردان تىس قال­مادى. سەناتورلار وبلىستىق 200 ورىندى جۇقپالى اۋرۋلار اۋرۋحاناسى جانە مە­دي­تسينالىق جابدىقتار شىعاراتىن ء«امىر جانە د» زاۋىتىنىڭ جۇمىسىمەن دە تا­نىس­تى. ءبىلىم مەن دەنساۋلىق ساقتاۋ سالا­سىن­داعى وبەكتىلەردى ارالاعاننان كەيىن «تاراز­ەنەرگوورتالىعىنداعى» تەو-4 قازان­دىقتىڭ جۇمىسىن باقىلادى.

* * *

سەناتور ۆلاديمير ۆولكوۆ الماتى وبلىسىنىڭ قاراساي اۋدانىندا ءماسليحات جانە جەرگىلىكتى اتقارۋشى ورگانداردىڭ، سونداي-اق پروكۋراتۋرا وكىلدەرىمەن كەزدەستى. سونىمەن بىرگە جىبەك جولى اۋىلى ماڭىنان وتەتىن جولدى قايتا قال­پىنا كەلتىرۋ جۇمىستارىمەن تانىس­تى. پروكۋراتۋرا وكىلدەرىمەن كەزدەسۋدە «قازاقستان رەسپۋبليكاسىنىڭ كەي­بىر زاڭنامالىق اكتىلەرىنە قىلمىستىق پرو­تسەستە ازاماتتاردىڭ قۇقىقتارىن قورعاۋ­دى جانە سىبايلاس جەمقورلىققا قارسى ءىس-قيمىلدى كۇشەيتۋ ماسەلەلەرى بويىن­شا وزگەرىستەر مەن تولىقتىرۋلار ەنگىزۋ تۋرالى» زاڭنىڭ جاڭا نورمالارىن تال­قىلادى. ودان بولەك، كامەلەت جاسىنا تولماعاندارعا قارسى قىلمىستىق ارەكەتتەر ءۇشىن جاۋاپكەرشىلىكتى كۇشەيتۋ شارالارى، سىبايلاس جەمقورلىققا قارسى زاڭنامالار جانە باسقا دا وزەكتى ماسەلەلەر بويىنشا ءسوز قوزعادى. سەنات دەپۋتاتى اۋداندىق جولاۋشىلار كولىگى جانە اۆتوموبيل جولدارى ءبولىمىنىڭ وكىلدەرىمەن دە كەزدەسىپ، ساپالى جول قۇرىلىسى ءۇشىن قاجەتتى تەحنيكامەن جانە قۇرىلىس ماتەريالدارىمەن جابدىقتاۋ ماسەلەسىن تالقىلادى.

* * *

سەنات دەپۋتاتتارى عۇمار دۇيسەمباەۆ پەن ساعىندىق لۇقپانوۆ اتىراۋ مۇناي وڭدەۋ زاۋىتىنىڭ وندىرىستىك قىزمەتىمەن، جوسپارلى جوندەۋ ناتيجەلەرىمەن، «Tazalyq» جوباسىمەن جانە وزگە دە بيزنەس-جوبالارمەن تانىستى. دەپۋتاتتار زاۋىت جۇمىسشىلارىمەن كەزدەسىپ، ولاردىڭ الەۋمەتتىك قامتىلۋ ماسەلەلەرىن تىڭدادى. سونداي-اق ولار اتىراۋ قالاسىنداعى كارىزدىك سۋلاردىڭ بۋلانۋ الاڭىنىڭ جۇمىستارىمەن دە تانىستى. بۇعان دەيىن اتىراۋ وبلىسى اكىمدىگى مەن «اتىراۋ مۇناي وڭدەۋ زاۋىتى» جشس اراسىندا اتىراۋ قالاسىنىڭ سول جاعالاۋىنداعى «ساسىقساي» بۋلانۋ القابىن قالپىنا كەلتىرۋ جونىندەگى مەموراندۋمعا قول قويىلىپ، ناقتى جۇمىستار مەن ولاردىڭ ورىندالۋ مەرزىمى كورسەتىلگەن «جول كارتاسى» بەكىتىلگەن بولاتىن. زاۋىت 2022 جىلدىڭ اياعىنا دەيىن 860 گەكتار جەردى قالپىنا كەلتىرەدى.

سونداي-اق سەناتورلار اتىراۋ قالا­سىن­داعى «بەرەكە» شاعىن اۋدانى مەن «تال­قايراڭ» ەلدى مەكەنىندەگى «نۇرلى جەر» باعدارلاماسى بويىنشا سالىنىپ جات­قان تۇرعىن ءۇي قۇرىلىسىنىڭ الاڭىندا بول­دى. تالقايراڭ اۋىلى ماڭىنان بوي كوتە­رەتىن جاڭا شاعىن اۋدانداردا 25 مىڭ­نان اسا پاتەرلى 430 تۇرعىن ءۇي سالۋ جوسپار­لانعان.

سەناتورلار يساتاي اۋدانىنا قاراس­تى قىزىلۇي ەلدى مەكەنىنە گاز تارتۋ ماسە­لەسىمەن تانىستى. سەنات دەپۋتاتتارى جاعدايدى بۇرىننان بىلەتىندەرىن ايتتى جانە ەلدى مەكەنگە گاز تارتۋ مۇمكىندىگىن قاراستىرۋعا ۋادە بەردى. سونداي-اق سەناتورلار ماقات اۋدانىندا الەۋمەتتىك نىسان قۇرىلىستارىمەن، دوسسور كەنتىنەن ماقات اۋىلىنا تارتىلاتىن كارىز تازارتۋ جۇيەسىنىڭ جۇمىسىن كوردى. ۇزىندىعى 38 كم بولاتىن سۋ سورۋ جۇيەسىنىڭ جوبانىڭ قۇنى 3 ملرد 762 ملن تەڭگە بولدى. قازىرگى كەزدە جۇيەنىڭ جوبالىق-سمەتالىق قۇجاتتاماسى جاساقتالىپ، ساراپتاما ناتيجەسى كۇتىلۋدە.

* * *

سەناتور داۋرەن ادىلبەكوۆ اقمولا وبلىسىنىڭ اقكول اۋدانىندا «بيزنەستىڭ جول كارتاسى-2025» مەملەكەتتىك باع­دار­لاماسى اياسىندا اۋىلدىق ەلدى مەكەندەردە پاي­دالانۋعا بەرىلگەن نىساندارمەن تانىستى. ولاردىڭ ءبىرى – ەڭبەك اۋىلىنداعى كۇردەلى جوندەۋدەن وتكىزىلگەن «ەڭبەك» مادەني-سپورت كەشەنى. سونىمەن قاتار  سەنا­تور «ەڭبەك» مەكتەبىنە جانە ءسۇت ونىم­دەرى فەرماسىنا باردى. كاسىپورىن جۇمىس­شىلارىمەن كەزدەسۋدە اۋىل شارۋا­شىلىعىن دامىتۋعا ارنالعان سۋبسيديالاردى الۋ تەتىكتەرىن جەڭىلدەتۋ، مال جايى­لىمدارىنا قاتىستى پروبلەمالاردى شەشۋ ماسەلەلەرى تالقىلاندى.

دەپۋتات كوكشەتاۋ قالاسىندا جاڭا ونكولوگيالىق ەمحانانىڭ جۇمىسىمەن تانىستى. بۇل نىسان جەرگىلىكتى جانە وبلىس تۇرعىندارىنا ەمدەلۋگە، ونكولوگيالىق اۋرۋلاردى ەرتە كەزدەن انىقتاۋعا جانە جوعارى دەڭگەيدە مەديتسينالىق كومەك الۋعا مۇمكىندىك بەرەدى.

دەپۋتات بۋراباي اۋدانىنا دا بارىپ، مەملەكەتتىك يندۋستريالىق-يننوۆاتسيالىق دامۋ باعدارلاماسى اياسىندا سالىنعان نىسانداردىڭ جۇمىسىنا نازار اۋداردى. ششۋچينسك قالاسىندا سەناتور تۋريستىك نىسانداردىڭ قۇرىلىسىمەن تانىسىپ، جەرگىلىكتى اكىمدىك وكىلدەرىمەن وڭىردە ءتۋريزمدى دامىتۋعا كەدەرگى كەلتىرىپ وتىرعان ماسەلەلەردى تالقىلادى. سونداي-اق دەپۋتات ماكينسك قالاسىنداعى قۇس فەرماسىنىڭ جۇمىسشىلارىمەن كەزدەستى.