سونىمەن قاتار, ۆاتيكان ءدىنباسىلارىنىڭ باسقا وكىلدەرى دە ەكپە الۋعا نيەتتى ەكەندەرىن ءبىلدىرىپ جاتىر. ريم پاپاسى فرانتسيسكتىڭ ايتۋىنشا, بۇل ءار ادامنىڭ مورالدىق-ەتيكالىق پارىزى جانە ول ەكپە ەگۋگە قارسىلىق تانىتقانداردى سۋيتسيدالدى شىندىقتى جوققا شىعارۋمەن ءومىر سۇرەتىن ادامدار دەپ باسا ايتتى.
ال ءۇندىستاننىڭ الدىندا ميللياردتان استام ادامدى ەكپەمەن قامتاماسىز ەتۋ ماسەلەسى تۇر. ەل بيلىگىنىڭ بۇل سوڭعى ونجىلدىقتاعى ەڭ اۋقىمدى ناۋقان ەكەن. مەملەكەتتە 2021 جىلدىڭ شىلدە ايىنا قاراي 300 ملن-عا جۋىق ازاماتقا ەكپە سالۋ جوسپارلانىپ وتىر. العاشقىلاردىڭ ءبىرى بولىپ ەكپەنى مەديتسينا قىزمەتكەرلەرى مەن توتەنشە جاعدايلار قىزمەتكەرلەرى الادى.
سونىمەن قاتار يسپانيادا قاردىڭ قالىڭ جاۋىنا بايلانىستى كەيبىر وڭىردە جەدەل جاردەم جۇمىسى توقتاپ قالعان. بيلىك اۋرۋحانالاردىڭ ەلەكتر قۋاتىنسىز قالۋىنان قاۋىپتەنىپ وتىر. بۇل ەپيدەميالىق احۋالدىڭ ناشارلاۋىنا الىپ كەلەرى حاق. وسى تۇستا دجونس حوپكينس ۋنيۆەرسيتەتىنىڭ وكىلدەرى يسپانيادا پاندەميا باستالعالى 2 ميلليوننان استام ادام ىندەتتى جۇقتىرسا, 51,8 مىڭ ادام قايتىس بولعان ەكەن.
كوروناۆيرۋستىق ينفەكتسيامەن كۇرەس اياسىندا فرانتسيانىڭ 8 دەپارتامەنتىندە كومەندانتتىق ساعاتتىڭ باستالۋى ۋاقىتىن ساعات 20:00-دەن, 18:00-گە اۋىستىردى. الداعى سەيسەنبى كۇنىنەن جوعارعى پروۆانس الپىلەرى مەن ۆار دەپارتامەنتتەرىندە كەڭەيتىلگەن كومەندانتتىق ساعات ەنگىزىلمەك. وسىلايشا, 15 دەپارتامەنتتەن تۇراتىن جاڭا شەكتەۋ رەجيمىنىڭ ايماعى فرانتسيانىڭ بۇكىل شىعىسىن, سونداي-اق ەلدىڭ وڭتۇستىگى مەن وڭتۇستىك-شىعىسىنىڭ ءبىر بولىگىن قامتىدى. بىراق, ەل بيلىگى مەملەكەتتە ءۇشىنشى لوكداۋننىڭ ەنگىزىلۋى جوسپارلانباعانىن العا تارتىپ وتىر.
