تەرروريستىك تۇرعىدان وسال 9 وبەكتىنىڭ باسشىسىنا ايىپپۇل سالىندى

قازاقستان • 11 قاڭتار، 2021

تەرروريستىك تۇرعىدان وسال 9 وبەكتىنىڭ باسشىسىنا ايىپپۇل سالىندى

364 رەت كورسەتىلدى

2020 جىلى قىزىلوردا وبلىسىندا تەرروريستىك تۇرعىدان وسال 9 وبەكتىنىڭ باسشىسىنا اكىمشىلىك ايىپپۇل سالىنعان، دەپ حابارلايدى Egemen.kzء ىىم ءباسپاسوز قىزمەتىنە سىلتەمە جاساپ.

ايىم ءداۋىت

قىزىلوردا وبلىسىنىڭ پوليتسيا دەپارتامەنتى تەرروريستىك تۇرعىدان وسال وبەكتىلەردىڭ تەرروريزمگە قارسى قورعالۋىن باقىلاۋدى ۇيىمداستىرۋ بويىنشا جۇمىستاردى ۇدايى جۇرگىزىپ، ولاردىڭ باسشىلارى مەن مەنشىك يەلەرىنە ءتۇسىندىرۋ جۇمىستارىن دا تۇراقتى نەگىزدە جۇزەگە اسىرادى.

قىزىلوردا وبلىسىندا 2020 جىلى تەرروريستىك تۇرعىدان وسال 9 وبەكتىنىڭ جاراقتالۋى قازاقستان رەسپۋبليكاسى ۇكىمەتىنىڭ 2015 جىلعى 3 ساۋىردەگى №191 قاۋلىسىنىڭ جانە قازاقستان رەسپۋبليكاسىنىڭ “تەرروريزمگە قارسى ءىس-قيمىل تۋرالى” زاڭىنىڭ تالاپتارىنا سايكەس كەلمەگەنى ءۇشىن ولاردىڭ باسشىلارىنا جالپى سوماسى 2 ملن. 611 مىڭ 320 تەڭگە كولەمىندە اكىمشىلىك ايىپپۇل سالىندى.

“قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوري ەنگىزۋ تۋرالى” قازاقستان رەسپۋبليكاسى پرەزيدەنتىنىڭ 2019 جىلعى 26 جەلتوقسانداعى №229 جارلىعىنىڭ نەگىزىندە 2020 جىلعى 1 قاڭتاردان باستاپ 2023 جىلعى 1 قاڭتارعا دەيىن شاعىن جانە ميكروكاسىپكەرلىك سۋبەكتىلەرىنە تەكسەرۋ توقتاتىلدى.

تەرروريستىك تۇرعىدان وسال وبەكتىلەردىڭ تەرروريزمگە قارسى قورعالۋىنىڭ بۇزىلۋىنا جول بەرمەۋ ماقساتىندا كۇزەت ۇيىمدارىنىڭ باسشىلارى، مەنشىك يەلەرى جانە وكىلدەرى مىناداي قۇجاتتاردى زەردەلەۋ بويىنشا پەرسونالمەن ساباقتار وتكىزۋدى قامتاماسىز ەتۋ قاجەت:

قازاقستان رەسپۋبليكاسىنىڭ “تەرروريزمگە قارسى ءىس-قيمىل تۋرالى” زاڭى;

“تەرروريستىك تۇرعىدان وسال وبەكتىلەردىڭ تەرروريزمگە قارسى قورعالۋ جۇيەسىنە قويىلاتىن تالاپتاردى بەكىتۋ تۋرالى” قازاقستان رەسپۋبليكاسى ۇكىمەتىنىڭ 2015 جىلعى 3 ساۋىردەگى № 191 قاۋلىسى;

“قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” قازاقستان رەسپۋبليكاسىنىڭ 2020 جىلعى 13 مامىرداعى №325-VI زاڭى;

تەرروريستىك اكت تۋىنداعان كەزدەگى تەرروريستىك تۇرعىدان وسال وبەكتىلەردىڭ باسشىلارى مەن پەرسونالدارىنىڭ ءىس-ارەكەتى بويىنشا جادىناما.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز