ەكونوميكا • 11 قاڭتار، 2021

قازاقستاندا «بازالىق مولشەرلەمە» ۇعىمى زاڭدىق تۇرعىدا بەكىتىلدى

124 رەت كورسەتىلدى

ۇلتتىق بانك «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكونوميكالىق ءوسۋدى قالپىنا كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2021 جىلعى 2 قاڭتارداعى زاڭىنا سايكەس «بازالىق مولشەرلەمە» ۇعىمىنىڭ زاڭنامالىق تۇرعىدا بەكىتىلگەنىن حابارلادى.

بازالىق مولشەرلەمە اقشا-نەسيە ساياساتىنىڭ نەگىزگى قۇرالى جانە اقشا-نەسيە ساياساتىنىڭ وپەراتسيالارى بويىنشا سىياقى مولشەرلەمەلەرىن بەلگىلەۋگە ارنالعان باعدار بولىپ سانالادى.

جاڭا زاڭدىق وزگەرىسكە بايلانىستى مەملەكەت زاڭناماسىنان «قايتا قارجىلاندىرۋدىڭ رەسمي مولشەرلەمەسى» ۇعىمى الىنىپ تاستالدى. اتالعان نورما 2021 جىلدىڭ 1 قاڭتارىنان باستاپ كۇشىنە ەنگەن.

«وسىعان بايلانىستى 2021 جىلدىڭ 1 قاڭتارىنان باستاپ سالىق سالۋدا جانە كەدەندىك رەتتەۋدە ءوسىمپۇل ەسەپتەۋ كەزىندە، سونداي-اق تولەمدەردى، بوتەن اقشانى زاڭسىز پايدالانۋ جانە مەرزىمى وتكەن سوما ءۇشىن تۇراقسىزدىق ايىبىن، بەرىلگەن اقشا سوماسىن يندەكستەۋدى، كەدەن باجىن تولەۋ مەرزىمىن كەيىنگە قالدىرۋ نەمەسە ءبولىپ تولەۋ ءۇشىن پايىزداردى يندەكستەۋدى كەشىكتىرۋ كەزىندە ازاماتتىق-قۇقىقتىق جانە اكىمشىلىك-قۇقىقتىق قاتىناستاردا بازالىق مولشەرلەمە قولدانىلاتىن بولادى» دەلىنگەن ۇلتتىق بانك حابارلاماسىندا.

ەسكە سالايىق، ۇلتتىق بانك سوڭعى رەت 14 جەلتوقسان كۇنى بازالىق مولشەرلەمەنى 9 پايىز كولەمىندە قالدىرۋ تۋرالى شەشىم قابىلداعان بولاتىن. ساراپشىلار دا ءدال قازىرگى ساتتە وسى پايىزدىق مولشەرلەمەنىڭ قولايلى ەكەنىن ايتادى.

سوڭعى جاڭالىقتار

الماتى ماڭىندا جەر سىلكىندى

ايماقتار • بۇگىن، 10:02

جاس تەننيسشىلەرمەن كەزدەسۋ

تەننيس • بۇگىن، 07:47

جاس عالىمنىڭ جەتىستىگى

عىلىم • بۇگىن، 07:43

ۇقساس جاڭالىقتار