بۇگىن داۋىس بەرگەندەردىڭ اراسىندا ۇكىمەت باسشىسى اسقار مامين, قر پرەمەر-ءمينيسترىنىڭ ورىنباسارى ەرالى توعجانوۆ, سەنات توراعاسى ماۋلەن اشىمباەۆ, قر ۇلتتىق قاۋىپسىزدىك كوميتەتىنىڭ توراعاسى كارىم ءماسىموۆ, ەلوردا اكىمى التاي كولگىنوۆ بار.
سونىمەن قاتار ۇسىنىلعان كانديداتتاردى سايلاۋعا ءبىلىم جانە عىلىم ءمينيسترى اسحات ايماعامبەتوۆ پەن اقپارات جانە قوعامدىق دامۋ ءمينيسترى ايدا بالاەۆا قاتىستى.
«قازاقستان رەسپۋبليكاسىنداعى سايلاۋ تۋرالى» قر كونستيتۋتسيالىق زاڭىنىڭ 93-1-بابىنا سايكەس سەسسيادا اسسامبلەيادان سايلاناتىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا قحا كەڭەسى ۇسىنعان ۇمىتكەرلەرگە داۋىس بەرىلەدى. وعان قحا مۇشەلەرىنىڭ قاتىسۋى ەسكەرىلگەن. سەسسيا جۇمىسىنا ەلىمىزدىڭ بارلىق وڭىرلەرىنەن رەسپۋبليكالىق جانە وڭىرلىك ەتنومادەني بىرلەستىكتەر, قوعام قايراتكەرلەرى, عىلىمي جانە شىعارماشىلىق زيالى قاۋىمنان قۇرالعان قحا مۇشەلەرىنىڭ دەلەگاتسيالارى قاتىسىپ جاتىر.
2020 جىلدىڭ 24 جەلتوقساندا قر ورتالىق سايلاۋ كوميسسياسى ماجىلىسكە قحا اتىنان سايلاۋعا تۇسەتىن 9 دەپۋتاتتى تىركەگەن ەدى.
