ۇستەمە اقىنىڭ مولشەرى دارىگەرلەردىڭ قانداي ايماقتا جۇمىس اتقارعانىنا بايلانىستى بولدى. قر دەنساۋلىق ساقتاۋ مينيسترلىگىنىڭ 2020 جىلعى 4 ساۋىردەگى «COVID-19 كوروناۆيرۋسىنا قارسى كۇرەستە ەپيدەمياعا قارسى ءىس-شارالارعا قاتىسقان دەنساۋلىق ساقتاۋ قىزمەتكەرلەرىن قارجىلاي قولداۋدىڭ كەيبىر ماسەلەلەرى تۋرالى» بۇيرىعىنا سايكەس تولەمدەردى بەرۋ ءۇش تاۋەكەل توپتارى بويىنشا جۇزەگە اسىرىلدى.
1 تاۋەكەل توبى (وتە جوعارى) - جۇقپالى اۋرۋلار ستاتسيونارلارىنىڭ دارىگەرلەرى, ورتا جانە كىشى مەديتسينا قىزمەتكەرلەرى, بۇلاردىڭ قاتارىنا COVID-19 ناۋقاستارىنا مەديتسينالىق كومەك كورسەتۋگە قاتىسقان جانساقتاۋ بولىمدەرىنىڭ جانە باسقا ستاتسينارلاردىڭ قىزمەتكەرلەرى دە قوسىلدى.
وسى تاۋەكەل توبىنداعى ءبىر قىزمەتكەرگە بەرىلەتىن ۇستەمە اقى كولەمى ەڭ تومەنگى ايلىقتىق جالاقىنىڭ جيىرما ەسەلەنگەن مولشەرىنەن اسپادى. وسى توپتاعىلارعا جالپى سوماسى 6 795 746,1 مىڭ تەڭگە كولەمىندە ۇستەم اقى تولەندى.
2 تاۋەكەل توبى (جوعارى) – پروۆيزورلىق ستاتسيونارلاردىڭ, پروۆيزورلىق بولىمدەردىڭ دارىگەرلەرى, ورتا جانە كىشى مەديتسينا قىزمەتكەرلەرى, جەدەل مەديتسينالىق كومەكتىڭ دارىگەرلەرى مەن فەلدشەرلەرى, ونىڭ ىشىندە امبۋلاتوريالىق جاعدايدا مەديتسينالىق كومەك كورسەتەتىن دەنساۋلىق ساقتاۋ ۇيىمدارىنىڭ قىزمەتكەرلەرى.
وسى تاۋەكەل توبىنداعى ءبىر قىزمەتكەرگە بەرىلەتىن ۇستەمە اقى كولەمى ەڭ تومەنگى ايلىقتىق جالاقىنىڭ ون ەسەلەنگەن مولشەرىنەن اسپادى. اتالعان توپقا تولەنگەن ۇستەمە اقىنىڭ جالپى سوماسى 6 223 334,0 مىڭ تەڭگە.
3 تاۋەكەل توبى (ورتاشا) - كارانتيندىك ستاتسيونارلاردىڭ دارىگەرلەرى, ورتا جانە كىشى مەديتسينا قىزمەتكەرلەرى, جەدەل مەديتسينالىق كومەك بريگاداسىنىڭ جۇرگىزۋشىلەرى, ونىڭ ىشىندە امبۋلاتوريالىق جاعدايدا مەديتسينالىق كومەك كورسەتەتىن دەنساۋلىق ساقتاۋ ۇيىمدارىنىڭ قىزمەتكەرلەرى.
وسى تاۋەكەل توبىنداعى ءبىر قىزمەتكەرگە بەرىلەتىن ۇستەم اقى مولشەرى ەڭ تومەنگى ايلىقتىق جالاقىنىڭ بەس ەسەلەنگەن مولشەرىنەن اسپادى. وسى توپتاعىلارعا جالپى سوماسى 2 123 680,0 مىڭ تەڭگە كولەمىندە ۇستەم اقى تولەندى.
