2021 جىلعى 11 قاڭتار 08:54
تۇركيانىڭ سىرتقى ىستەر مينيسترلىگى قازاقستاندا وتكەن سايلاۋعا قاتىستى پىكىر ءبىلدىردى.
تۇركيانىڭ سىرتقى ىستەر مينيسترلىگى قازاقستانداعى پارلامەنت جانە ءماسليحات دەپۋتاتتارىن سايلاۋ ناۋقانىنا قاتىستى پىكىر ءبىلدىردى, دەپ حابارلايدى قازاقپارات انادولى اگەنتتىگىنە سىلتەمە جاساپ.
ء«بىز بۇگىنگى پارلامەنتتىڭ تومەنگى پالاتاسى ء(ماجىلىس) مەن جەرگىلىكتى اتقارۋشى ورگانداردى ء(ماسليحات) سايلاۋ بەيبىت جانە تىنىش وتكەنىنە قۋانىشتىمىز. انكارالىقتار سايلاۋ ناتيجەسى باۋىرلاس قازاق حالقى ءۇشىن ناتيجەلى بولعانىن تىلەيدى», دەلىنگەن تۇركيانىڭ سىرتقى ىستەر مينيسترلىگىنىڭ حابارلاماسىندا.
تۇركيا وكىلدىگى «بيىل تاۋەلسىزدىك العانىنا 30 جىل تولعان قازاقستان مەن تۇركيانىڭ ستراتەگيالىق سەرىكتەستىگى الداعى ۋاقىتتا دا دامي بەرەدى» دەگەن سەنىم ءبىلدىردى.
ەسكە سالساق, كەشە قازاقستاندا كونستيتۋتسيالىق مەرزىمگە ساي وتكەن پارلامەنت ءماجىلىس جانە ءماسليحات دەپۋتاتتارىن سايلاۋى ءوتتى.
ءماجىلىس سايلاۋىندا ەلىمىزدە تىركەلگەن 5 ساياسي پارتيا, اتاپ ايتقاندا, «اۋىل» حالىقتىق-دەموكراتيالىق پاتريوتتىق پارتياسى, «Nur Otan» پارتياسى, «ADAL» ساياسي پارتياسى, قازاقستاننىڭ «اق جول» دەموكراتيالىق پارتياسى, «قازاقستاننىڭ حالىق پارتياسى» دەپۋتاتتىق مانداتتان ءۇمىتتى. بۇل پارتيالار بارلىق دەڭگەيدەگى جەرگىلىكتى ماسليحاتتارعا دا كانديداتتارىن ۇسىنعان.
ماجىلىسكە 5 پارتيادان بارلىعى 312 كانديدات, ونىڭ ىشىندە: «اۋىل» حالىقتىق-دەموكراتيالىق پاتريوتتىق پارتياسىنان 19; «Nur Otan» پارتياسىنان 126; «ADAL» ساياسي پارتياسىنان 16; قازاقستاننىڭ «اق جول» دەموكراتيالىق پارتياسىنان 38 جانە «قازاقستاننىڭ حالىق پارتياسىنان» 113 ادام بار.
سايلاۋدىڭ العاشقى ەxit poll ناتيجەسى جاريالاندى.
