«قازاقستان رەسپۋبليكاسى پارلامەنتى ءماجىلىسى مەن الماتى قالاسىنىڭ ءماسليحاتىنا سايلاۋدىڭ قورىتىندىسى بويىنشا الماتى قالاسى اۋماقتىق كاسىپوداقتار بىرلەستىگىنىڭ باقىلاۋشىلارى ەشقانداي جۇيەلى بۇزۋشىلىقتاردى انىقتاعان جوق. سايلاۋ ءتيىستى زاڭناماعا سايكەس ءوتتى», دەدى ول.
ء«بىرلى-جارىم جاعدايلار بولدى. ەكى ۋچاسكەدە باقىلاۋشىلاردى پتر-تەستىلەرى جاسالعان كلينيكا تىزىمىندە بولماۋىنا بايلانىستى كىرگىزبەدى; ماسەلە اۋماقتىق سايلاۋ كوميسسياسىنا جۇگىنگەننەن كەيىن شەشىلدى. سونداي-اق, سايلاۋ پروتسەسىنە قاتىسۋشى بولىپ تابىلمايتىن جەكە تۇلعالار بولدى, ولار كاسىپوداقتاردىڭ باقىلاۋشىلارىنا دورەكىلىك تانىتىپ, سايكەستەندىرۋ قۇجاتتارىن تالاپ ەتتى. سونداي-اق, ءۇش سايلاۋ ۋچاسكەسىندە باقىلاۋشىلار ءۇشىن ورىندار بولمادى, الايدا, ۋچاسكە توراعاسىنا جۇگىنگەننەن كەيىن بۇل ماسەلە تەز شەشىلدى», دەيدى الماگۇل اكىموۆا.
مۇنداي ماسەلەلەردىڭ ءبىر بولىگى باسشىلىقپەن جەدەل بايلانىسقا شىعۋ ارقاسىندا شەشىلدى: «كاسىپوداقتىڭ 1014 باقىلاۋشىسىنىڭ ارقايسىسىمەن ۇيلەستىرۋشى-شتاب مۇشەلەرى ارقىلى بايلانىس ورناتىلدى. بۇل سايلاۋ پروتسەسى بارىسىندا كەز كەلگەن جاعدايعا جەدەل ارەكەت ەتۋگە مۇمكىندىك بەردى.
سوڭىندا ا.اكىموۆا بايقاۋشىلاردىڭ دا, سايلاۋ ۋچاسكەلەرى مۇشەلەرىنىڭ دە جوعارى قۇزىرەتتىلىگىن اتاپ ءوتتى.
ء«بىزدىڭ بارلىق باقىلاۋشىلارىمىزبەن سايلاۋ پروتسەسىنە ارالاسۋىنا جول بەرىلمەدى, سايلاۋ ۋچاسكەلەرىندە ءتارتىپ ەرەجەلەرى ساقتالدى. بارلىق باقىلاۋشىلار باقىلاۋ پروتسەسىنىڭ جوعارى ۇيىمداستىرىلعانىن اتاپ ءوتتى. بۇل ءبىزدىڭ باقىلاۋشىلارىمىزعا سايلاۋ پروتسەستەرىن ادال جانە بەيتاراپ باقىلاۋعا مۇمكىندىك بەردى», دەدى ول.
