قالادا وتاندىق جانە حالىقارالىق باقىلاۋشىلار پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ كەزەكتى سايلاۋىن وتكىزۋدى باقىلاۋدا.
– ءبىز تاڭعى ساعات 7-دەن باستاپ, ۋچاسكەلەردىڭ اشىلۋىنان بەرى وسىندامىز. سايلاۋ بارىسىندا 6 ۋچاسكەدە بولدىق, بريفينگتەن كەيىن ۋچاسكەلەردى تاعى ارالايمىز. باقىلاۋ پروتسەدۋراسى كەزىندە ءبىز ۋچاسكەلەردە بولدىق, ەشقانداي زاڭ بۇزۋشىلىقتاردى كورمەدىك. جالپى داۋىس بەرۋ تياناقتى وتۋدە, بەلسەندى سايلاۋشىلار جەتەرلىك. ءوزىمىز مونيتورينگ جۇرگىزگەن بارلىق ۋچاسكەلەردە سايلاۋ پروتسەسىنىڭ ينكليۋزيۆتىلىگى ساقتالدى, ياعني بارلىق جەردە مۇگەدەكتەرگە ارنالعان پاندۋستار, شاقىرۋ نۇكتەلەرى بار. سونىمەن قاتار, جەرگىلىكتى, قوعامدىق باقىلاۋشىلاردىڭ, ساياسي پارتيالار باقىلاۋشىلارىنىڭ وكىلدەرىن دە كەزدەستىردىك. جالپى, داۋىس بەرۋ وتە سابىرلى وتۋدە, دەدى باقىلاۋشى.
بەرمەت دۇيشەنبيەۆا سايلاۋ ۋچاسكەلەرى كوميسسيالارى مۇشەلەرىنىڭ جانە سايلاۋشىلاردىڭ بارلىق سانيتارلىق نورمالاردىڭ ساقتالعانىن اتاپ ءوتتى.
