«داۋىس بەرگەن وسى ەكەن» دەپ, كوز جۇما داۋىس بەرۋ دۇرىس ەمەس. جان-جاقتى ويلانعان ءجون. ءوزىنىڭ ءبىلىمى جەتپەسە, ساياساتتان حابارى بار اداممەن اقىلداسىپ, تاڭداۋىن وي تارازىسىنا قايتا-قايتا سالعانى ابزال. وعان حالىقتىڭ تاعدىرى, ەلدىڭ يگىلىگى ءۇشىن جاسالىپ جاتقان دۇنيە دەپ قاراعان ءجون. «مەنىڭ داۋىسىم نە شەشەدى؟ مەنەن باسقالار بەرىپ جاتىر عوي» دەگەن پىكىر جاڭساق. بىلە بىلسەڭىز, ءادىل وتكەن سايلاۋدا ءبىر داۋىستىڭ ءوزى ءبارىن وزگەرتىپ جىبەرۋى مۇمكىن. بارشا جۇرت سايلاۋعا اسقان جاۋاپكەرشىلىكپەن قاراسا يگى. ونەر ادامى رەتىندە بىزدە بۇل ماڭىزدى وقيعادان شەت قالا المايمىز. ازاماتتىق مىندەتىمىزدى وتەپ, ءوز داۋسىمىزدى بەردىك.
سەكەن تۇرىسبەكوۆ,
قازاقستاننىڭ ەڭبەك سىڭىرگەن قايراتكەرى, كومپوزيتور
