ۆ.كولياسەۆتىڭ ايتۋىنشا, تمد ميسسياسىنان قازاقستاندا ءوتىپ جاتقان سايلاۋعا قاتىسۋ ءۇشىن 234 ادام اككرەديتتەلگەن. ونىڭ 4-ەۋى الماتىدا جۇمىس ىستەپ جاتىر.
ء«بىز تاڭەرتەڭ 10-عا جۋىق ۋچاسكەگە باردىق. 4 ۋچاسكەنىڭ اشىلۋىندا بولدىق. سايلاۋ ۋچاسكەلەرىندە ەشقانداي زاڭبۇزۋشىلىقتى بايقامادىق. تەك كىتاپحانا ماڭىندا جاستاردىڭ جينالعانى بولماسا, ءىس جۇزىندە داۋىس بەرۋگە كەدەرگى كەلتىرەتىن بۇزۋشىلىقتار بايقالمادى. جاستاردىڭ نە ءۇشىن توپتاسقانى بەلگىسىز. بىراق بۇل توپ پوليتسيانىڭ ارقاسىندا تەز تارادى», دەدى حالىقارالىق باقىلاۋشى.
ۆ.كولياسەۆ اتاپ وتكەندەي, ءۇي-جايلاردىڭ ىشىندەگى سايلاۋ پروتسەسىن ۇيىمداستىرۋعا كەلەتىن بولساق, بارلىعى جوعارى دەڭگەيدە وتۋدە.
ء«بىزدى قورعانىس كوستيۋمدەرى مەن ماسكالارى بار ادامدار قارسى الدى, ماسكا كيىپ, تەمپەراتۋرانى ولشەدى. زالدا باقىلاۋشىلار ءۇشىن 10 ورىن بولدى. جۇمىستىڭ باسىندا دا, پروتسەستە دە بارلىعى جازاتايىم وقيعاسىز, قر زاڭناماسىنىڭ نورمالارى بويىنشا ورىندالدى. سايلاۋشىلار وزدەرىن ابىرويمەن, سابىرلى, لايىقتى ۇستادى. سىرتقى جاعىنان كوميسسياعا دا, سايلاۋشىلارعا دا قىسىم بولعان جوق. مەنىڭ ويىمشا, بۇل تۇرعىدا ءبارى ويداعىداي بولدى», دەپ اتاپ ءوتتى ۆ.كولياسەۆ.
باقىلاۋشى سانيتارلىق نورمالاردىڭ ساقتالۋىنا ەرەكشە نازار اۋداردى.
«بارلىق سانيتارلىق نورمالار ساقتالدى. باقىلاۋشىلار ءبىر-بىرىنەن 2 مەتر قاشىقتا وتىردى. بارلىعى بەتپەردە, سانيتايزەر, ارنايى حالاتتار مەن كاسكا كيدى. بارلىعى سانيتارلىق-ەپيدەميولوگيالىق ەرەجەلەردى بۇزبايتىنداي ەتىپ جاسالعان», دەدى ۆ.كولياسەۆ
