ەستەرىڭىزگە سالا كەتەيىك, بۇعان دەيىن بەلگىلى سايتتا سايلاۋ ۋچاسكەلەرىنىڭ بىرىندە ساعات 12:00 شاماسىندا اجەيدىڭ سايلاۋ جاشىگىنە بەس نەمەسە سەگىز دانا بيۋللەتەن سالعانى ايتىلعان بولاتىن.
«اتالعان سايتتىڭ ءجۋرناليستى ورەسكەل قۇقىقبۇزۋشىلىقتى تىركەپ, كوممەنتاريدە فوتوايعاقتى كەلتىرگەن. ءبىز تەز ارادا جاعدايدى قاراستىرا باستادىق. بىرىنشىدەن, الماتى قالاسىندا مۇنداي كابينالار جوق, بىزدەگى كابينالار جىڭىشكە, اشىق كوگىلدىر ءتۇستى پەردەلەرمەن جابدىقتالعان. ەكىنشىدەن, سايلاۋ ۋچاسكەسىنىڭ بەينەسى شىندىققا جاناسپايدى, ويتكەنى فوتوداعىداي ستەندتەر الدىندا پەردە جوق», دەپ ءتۇسىندىردى جاننا اسانوۆا.
وڭىرلىك سايلاۋ كوميسسياسىنىڭ ءتورايىمى سايلاۋ پروتسەسىنەن اقپارات تاراتىپ جاتقان جۋرناليستەردى اباي بولۋعا شاقىردى.
«سايتتا ورنالاستىرىلعان فوتوسۋرەت شىندىققا جاناسپايدى. جالعان اقپارات دەپ تولىق سەنىممەن ايتۋعا بولادى. سونىمەن قاتار, اتالمىش سايلاۋ ۋچاسكەسىندە orda.kz تىلشىلەرى بولعان جوق, ولار, ءتىپتى, سايلاۋ پروتسەسىنە قاتىسۋشى رەتىندە تىركەلمەگەن. مەن بۇل سايتقا اقپارات بوگدە دەرەككوزدەردەن تۇسكەن دەپ ويلايمىن, سوندىقتان سايلاۋ پروتسەسىنىڭ بارلىق قاتىسۋشىلارىنا, الماتىلىقتارعا اقپاراتتى تاراتپاس بۇرىن ونىڭ شىنايىلىعىنا كوز جەتكىزۋىڭىزدى سۇرايمىن. بۇل جاعداي بولماعان وقيعانى بولدى دەپ, جالعان اقپاراتتى سەنىمدى فاكتىگە قالاي اينالدىرۋعا بولاتىنىن كورسەتەدى. سوندىقتان, ارىپتەستەر, اسىرەسە, جۋرناليستەر الدارىڭىزعا قانداي اقپارات كەلمەسىن ءبىرىنشى تەكسەرىپ الۋدى داعدىعا اينالدىرساڭىزدار. مۇنداي كەلەڭسىزدىكتەر ءسىزدىڭ دە, ءبىزدىڭ دە بەدەلىمىزگە نۇقسان كەلتىرمەك. ءبىزدىڭ سايلاۋشىلار الدىنداعى جاۋاپكەرشىلىگىمىز – بارلىعىنا سەنىمدى اقپارات بەرۋ», دەپ قورىتىندىلادى جاننا اسانوۆا.
