ايماقتار • 10 قاڭتار، 2021

سايلاۋ ۋچاسكەلەرىنەن ونلاين ۆيدەوترانسلياتسيا تاراتۋ – زاڭسىز

30 رەت كورسەتىلدى

«بەيتاراپ جانە ءادىل سايلاۋ تۋرالى» حارتيانىڭ باستاماشىسى، قوعام قايراتكەرى ايگۇل سولوۆەۆا مەن «جاستارعا جول» قوعامدىق قورىنىڭ پرەزيدەنتى رافاەل گاسانوۆ جالپىقالالىق ءباسپاسوز ورتالىعىندا وتكەن بريفينگتە داۋىس بەرۋدىڭ بارىسى تۋرالى مالىمدەدى، دەپ حابارلايدى Egemen.kz

سايلاۋدى وتكىزۋ تۋرالى ايتا كەلىپ، ا.سولوۆەۆا حارتيانىڭ باستاماشىسى رەتىندە حالىقارالىق نورمالاردىڭ ساقتالۋىنا ەرەكشە نازار اۋداراتىنىن اتاپ ءوتتى.

«بىرىنشىدەن، ۇمىتكەرلەردى تىركەۋ ينكليۋزيۆتى بولدى. قازىر، وزىمدەگى مالىمەتتەرگە سايكەس سايلاۋ ۋچاسكەلەرىنىڭ جۇمىستارى ءتيىمدى ۇيىمداستىرىلعان. قوعامدىق تالقىلاۋ ءجۇرىپ جاتىر. ءبىز الەۋمەتتىك جەلىلەرگە مونيتورينگ جۇرگىزەمىز. ءبىز كەيبىر سايلاۋ ۋچاسكەلەرىندە تىكەلەي ۆيدەوترانسلتسيالاردىڭ ءجۇرىن جاتقانىن كوردىك، ال بۇل وسك-نىڭ قاۋلىسىنا قايشى. ءبىز ونى بەلگىلەپ الدىق. سايلاۋ ۋچاسكەسىندە ستريم جاساۋ زاڭناماعا سايكەس سايلاۋ پروتسەسىنە قىسىم جاساۋ بولىپ تابىلادى. پروتسەدۋرالىق بۇزۋشىلىقتار تۋرالى ايتۋعا ءالى ەرتە. ءبىز ولاردى ازىرشە بايقامادىق»، دەدى ول.

رافاەل گاسانوۆ تا باقىلاۋشىلاردىڭ رۇقساتىنسىز ولاردى ۆيدەوعا ءتۇسىرۋ ءارى ونى ءۇشىنشى ءبىر ادامداردىڭ تىكەلەي ەفير ارقىلى تاراتۋى زاڭسىز دەپ سانايتىنىن ايتتى.

«رۇقساتسىز تىكەلەي ەفيرگە ءتۇسىرۋ – ابەستىك. تىكەلەي ەفير اۆتورلارىنان باقىلاۋشىلاردىڭ رۇقساتىنسىز تىكەلەي ەفيردى توقتاتۋدى سۇرايمىن. قانداي دا ءبىر بۇزۋشىلىقتار بولسا، ونى ءتۇسىرىڭىز. ءبىزدىڭ سەنىم تەلەفونىمىز بار، سوعان حابارلاسىڭىز، ونى تىركەپ، ەسەبىمىزدە كورسەتەمىز»، دەدى ول.

سونىمەن قاتار، ر. گاسانوۆ «جاستارعا جول» قوعامدىق قورىنىڭ ءموبيلدى توبى قالانىڭ بارلىق سايلاۋ ۋچاسكەلەرىندە بولعانىن ايتتى. سايلاۋ ۋچاسكەلەرىنەن باقىلاۋشىلاردىڭ الەۋمەتتىك اراقاشىقتىقتى ساقتامايتىندىعى تۋرالى اقپارات كەلىپ تۇسكەن.

«وسىعان وراي ۇكىمەتتىك ەمەس ۇيىمداردىڭ باقىلاۋشىلارىن جاۋاپكەرشىلىكتەرىن كۇشەيتۋگە جانە الەۋمەتتىك اراقاشىقتىقتى ساقتاۋعا شاقىرعىم كەلەدى. كارانتيندىك شارالاردى ساقتاۋعا ءتيىسپىز»، دەپ اتاپ ءوتتى ر. گاسانوۆ.

جالپى، وسى ساعاتتا «جاستارعا جول» قوعامدىق قورىنىڭ سەنىم تەلەفونىنا 48 قوڭىراۋ تۇسكەن.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار