ايماقتار • 10 قاڭتار، 2021

شىمكەنتتىك ەتنوس وكىلدەرى سايلاۋدا بەلسەندى

23 رەت كورسەتىلدى

شىمكەنت قالاسىندا تۇراتىن ەتنوس وكىلدەرى قر پارلامەنت ءماجىلىسى مەن ءماسليحات دەپۋتاتتارىنىڭ كەزەكتى سايلاۋىنا داۋىس بەرىپ، ءوز تاڭداۋلارىن جاساۋدا، دەپ حابارلايدى Egemen.kz

اتاپ ايتساق، «شىمكەنت قالالىق كورەي قاۋىمداستىعى» قب ءتورايىمى روزا پاك قالاداعى №85 سايلاۋ ۋچاسكەسىندە جانە  №74 سايلاۋ ۋچاسكەسىندە شىمكەنت قالاسى «احىسكا» تۇرىك ەتنومادەني ورتالىعى» قوعامدىق بىرلەستىگىنىڭ توراعاسى لاتيپشا اسانوۆ مەملەكەتىمىزدىڭ ومىرىندە ەرەكشە ماڭىزعا يە سايلاۋعا ءۇن قوسىپ، ەلىمىزدىڭ تۇراقتىلىعى مەن تىنىشتىعى ءۇشىن داۋىس بەردى.

سونداي-اق  «شىمكەنت قالاسى وزبەك ەتنومادەني قوعامى» قوعامدىق بىرلەستىگىنىڭ توراعاسى تاحيرجان حاكيمبەكوۆ №195 سايلاۋ ۋچاسكەسىندە بولىپ، ءوز ۇستانىمىن ءبىلدىردى. وسىلايشا شىمكەنت قالاسىندا تۇراتىن بارلىق ەتنوستار بىرلىك پەن تاتۋلىقتى تانىتۋدا.


- سايلاۋ - ەل ومىرىندەگى ماڭىزدى وقيعالاردىڭ ءبىرى. بۇل سايلاۋدا حالىقتىڭ ارتقان ءۇمىتى بيىك، سوعان سايكەس بەلسەندىلىگى وتە جوعارى. جاستار دا ەرەكشە اتسالىسۋدا، دەيدى ەتنوس وكىلدەرى.

سوڭعى جاڭالىقتار

ۇقساس جاڭالىقتار