قىرعىزستاندىق باق پرەزيدەنتتىككە ۇمىتكەرلەر مىنا ادامدار ەكەنىن ايتتى:
سادىر جاپاروۆ;
قاناتبەك يساەۆ;
مىقتىبەك ارىستانبەك;
كلارا سوورونقۇلوۆا;
يماميدين تاشوۆ;
ءابدىل سەگىزباەۆ;
اداحان مادۋماروۆ;
ايمەن قاسەنوۆ;
ۋلۋكبەك كوچكوروۆ;
جەنيشبەك بايگۋتتيەۆ;
ەلدار اباكيروۆ;
كۋرسان اسانوۆ;
ارىستانبەك ابدىلداەۆ;
راۆشان جەەنبەكوۆ;
باقتىبەك كالماماتوۆ;
بابىرجان تولباەۆ;
قانىبەك يماناليەۆ.
ەسكە سالايىق, 2020 جىلدىڭ 4 قازانىندا قىرعىزستاندا پارلامەنت سايلاۋى وتكەن ەدى. وندا بيلەۋشى پارتيا جەڭىسكە جەتتى, بىراق وپپوزيتسيا تاراپى بۇعان كەلىسپەدى. ەلدە جاپپاي نارازىلىقتار باستالدى. ميتينگىگە شىققاندار پرەزيدەنت اكىمشىلىگى ورنالاسقان پارلامەنت عيماراتىن باسىپ الدى. وسىلايشا قىرعىزستاندىق وسك سايلاۋ قورىتىندىسىنىڭ كۇشىن جويدى.
بىشكەكتەگى جاپپاي تارتىپسىزدىكتەر پرەزيدەنت سوورونباي جەەنبەكوۆ 15 قازاندا ءوز ەركىمەن وتستاۆكاعا كەتكەننەن كەيىن توقتادى. مەملەكەت باسشىسىنىڭ مىندەتىن اتقارۋشى جانە پرەمەر-مينيستر سادىر جاپاروۆ بولدى. ول بۇعان دەيىن 2012 جىلى بيلىكتى كۇشپەن باسىپ الۋعا تىرىسقانى ءۇشىن سوتتالعان جانە كولونيادا بولعان. الايدا نارازىلىق بىلدىرۋشىلەر ونى بوساتىپ الىپ, جوعارعى سوت اتالعان وقيعادان كەيىن ونى اقتاپ شىقتى.
