قازاقستاننىڭ اقش-تاعى ەلشىسى ەرجان قازىحانوۆ كونگرەسس مۇشەلەرى ءۇشىن ونلاين فورماتتا بريفينگ وتكىزدى. ءىس-شارا قاتىسۋشىلارىنا قازاقستانداعى دەموكراتيالىق ينستيتۋتتار مەن ونىڭ بارىسىن ودان ءارى جەتىلدىرۋگە باعىتتالعان رەفورمالاردىڭ ىسكە اسىرىلۋى, سونداي-اق سايلاۋ پروتسەسى تۋرالى تولىققاندى اقپارات بەرىلدى.
بيىلعى سايلاۋ ناۋقانىن تۋرالى حاباردار ەتە وتىرىپ, ديپلومات سايلاۋعا دايىندىقتىڭ نەگىزگى كەزەڭدەرى, قازاقستاننىڭ سايلاۋ زاڭناماسى, قاتىسۋشى پارتيالار, حالىقارالىق بايقاۋشىلار مەن شەتەلدىك باق وكىلدەرىن تىركەۋ تۋرالى ەگجەي-تەگجەيلى ايتىپ بەردى.
قازىرگى پاندەميا جاعدايىندا ەلشى ە.قازىحانوۆ مەملەكەتتىڭ سايلاۋ پروتسەسىنە قاتىسۋشىلاردىڭ قاۋىپسىزدىگىن قامتاماسىز ەتۋ ءۇشىن قابىلداپ جاتقان قوسىمشا شارالارىن ەرەكشە اتاپ ءوتتى.
قر ەلشىسى قازاقستانداعى دەموكراتيالىق ينستيتۋتتار مەن ازاماتتىق قوعامدى جوعارى حالىقارالىق ستاندارتتارعا سايكەس ودان ءارى جەتىلدىرۋ بويىنشا شارالار قابىلدانعانىن ايتا كەتتى. اتاپ ايتقاندا, ساياسي پارتيالاردى تىركەۋ شەگى تومەندەتىلىپ, ايەلدەر مەن جاستاردىڭ پارلامەنتتەگى وكىلدىگى ارتتى.
«ەركىن جانە ءادىل سايلاۋ ەلىمىزدىڭ كونستيتۋتسياسىندا بەكىتىلگەن قازاقستاننىڭ مەملەكەتتىك بيلىگىن ۇيىمداستىرۋدىڭ نەگىزگى قاعيداتى», - دەدى ە.قازىحانوۆ ءوز سوزىندە.
بريفينگ قورىتىندىسى بويىنشا ە.قازىحانوۆ زاڭناماعا وزگەرىستەر ەنگىزۋ, ساياسي پارتيالاردىڭ قىزمەتى, مەملەكەتتىڭ تۇراقتى ەپيدەميولوگيالىق جاعدايدى قولداۋ بويىنشا قابىلداپ جاتقان شارالارى سياقتى سۇراقتارعا جاۋاپ بەردى.
قازاقستاننىڭ كاناداداعى ەلشىلىگىنىڭ ونلاين-بريفينگىنە كانادانىڭ عىلىمي جانە قوعامدىق توپتارىنىڭ وكىلدەرى, جۋرناليستەر, قازاقستاندىق ستۋدەنتتەر, كاناداداعى قر ازاماتتارى, سونداي-اق قازاقستاندىق دياسپورانىڭ وكىلدەرى قاتىستى.
ءىس-شارا بارىسىندا قاتىسۋشىلار قازاقستانداعى بيىلعى سايلاۋ پروتسەسىنىڭ ەرەكشەلىكتەرىمەن جانە ەلىمىزدە جالعاسىپ جاتقان ساياسي جاڭعىرتۋ شەڭبەرىندە قر سايلاۋ زاڭناماسىنا ەنگىزىلگەن وزگەرىستەرمەن تانىستىرىلدى. بۇل رەتتە, اعىمداعى سايلاۋدى ۇيىمداستىرۋ شارتتارىنا, سونداي-اق سايلاۋدا اككرەديتتەلگەن حالىقارالىق شەتەلدىك باقىلاۋشىلارعا ەرەكشە نازار اۋدارىلدى.
ءىس-شاراعا قاتىسۋشىلار كانادادا داۋىس بەرۋدى ۇيىمداستىرۋ ءتارتىبى ماسەلەلەرىنە ايتارلىقتاي قىزىعۋشىلىق تانىتتى. ەلشىلىك 2021 جىلعى 10 قاڭتاردا وتتاۆا مەن تورونتوداعى №279 سايلاۋ ۋچاسكەسىندە قر پارلامەنتى ءماجىلىسىنىڭ سايلاۋىندا داۋىس بەرۋ كۇنى, ۋاقىتى جانە ءتارتىبى تۋرالى تولىق اقپارات بەردى. ەلدەگى قاتاڭ كارانتيندىك شارالارعا بايلانىستى ەلشىلىك قاۋىپسىز داۋىس بەرۋ پروتسەسىن قامتاماسىز ەتۋ جانە ونتاريو قوعامدىق دەنساۋلىق ساقتاۋ دەپارتامەنتىنىڭ بارلىق ۇسىنىمدارىن ورىنداۋ ءۇشىن تولىق شارالاردى قابىلدادى.
