سايلاۋ • 09 قاڭتار، 2021

الماتىداعى سايلاۋ ۋچاسكەلەرى سايلاۋعا 100% دايىن – سايلاۋ كوميسسياسى

37 رەت كورسەتىلدى

الماتى قالاسى اۋماقتىق سايلاۋ كوميسسياسىنىڭ ءتورايىمى جاننا اسانوۆا جالپىقالالىق ءباسپاسوز ورتالىعىندا وتكەن ءباسپاسوز كونفەرەنتسياسىندا قازاقستان رەسپۋبليكاسى پارلامەنتى ءماجىلىسى مەن ءماسليحات دەپۋتاتتارىن سايلاۋعا دايىندىق تۋرالى ايتتى، دەپ حابارلايدى Egemen.kz.

ج. اسانوۆا اتاپ وتكەندەي، 10 قاڭتاردا داۋىس بەرۋ تاڭعى ساعات 7.00-دە باستالىپ، 20.00-گە دەيىن جالعاسادى. سايلاۋ ۋچاسكەلەرى ساعات 6.00-دە اشىلادى. ساعات 6.00-دەن 7.00-گە دەيىنگى ۋاقىت ىشىندە ۋچاسكەلىك سايلاۋ كوميسسياسى داۋىس بەرەتىن ورىنداردى، سايلاۋ ۋرنالارىن، بارلىق قۇجاتتاردى دايىندايدى. ءار سايلاۋ ۋچاسكەسىندە تۇراقتى تىركەۋ بويىنشا جاسالعان سايلاۋشىلاردىڭ تىزىمدەرى بار.

«قازىر جەرگىلىكتى اتقارۋشى ورگاندارمەن بىرىگىپ اشقان بايلانىس ورتالىعىنا كوپتەگەن قوڭىراۋلار كەلىپ تۇسۋدە. تەلەفون بۇگىن دە جۇمىس ىستەيدى، ءنومىرى - 21-10-01. وسى نومىرگە قوڭىراۋ شالىپ، اركىم ءوزىنىڭ سايلاۋ ۋچاسكەسى تۋرالى اقپاراتتى بىلە الادى»، - دەدى ج. اسانوۆا.

ونىڭ ايتۋىنشا، بايلانىس ورتالىعىنا «مەن نەگە تىزىمدە جوقپىن؟» دەگەن سۇراق ءجيى تۇسەدى ەكەن. ماسەلەنى تەكسەرۋ بارىسىندا ادامنىڭ تىركەلمەگەنى نەمەسە باسقا قالادا تىركەلگەنى انىقتالادى. ج. اسانوۆا الماتىداعى سايلاۋشىلار تىزىمىنە الماتىدا تىركەلگەن ازاماتتاردىڭ عانا ەنگىزىلگەنىن تاعى ءبىر رەت ەسكە سالدى. قالعان ازاماتتاردىڭ بارلىعى ەسەپتەن شىعارۋ كۋالىگى ارقىلى داۋىس بەرەدى.
داۋىس بەرۋ پروتسەدۋراسى «قازاقستان رەسپۋبليكاسىنىڭ سايلاۋ تۋرالى» كونستيتۋتسيالىق زاڭدا بەلگىلەنگەن. سايلاۋشى ءوزىن تىزىمنەن تابادى، قولىن قويادى، بيۋللەتەن الادى. ەكى بيۋللەتەن بولادى: ءماجىلىس پەن ءماسليحات ءۇشىن. كورۋ قابىلەتى ناشار ادامدارعا ارنالعان ەكى ترافارەت بولادى.

«بۇل وتە ماڭىزدى. ەگەر جانارى ناشار جاقىندارىڭىز، دوستارىڭىز بولسا ولارعا وسىنى تۇسىندىرىڭزدەر. ءماجىلىس بيۋللەتەنى ءتورتبۇرىشتى تاكتيلدى بولادى، ماسليحاتتىكى – دوڭگەلەك. بۇل تۋرالى ارنايى روليك ءتۇسىرىلىپ، سايلاۋ ۋچاسكەلەرىندە كورسەتىلۋدە »، - دەدى ج.اسانوۆا.

سايلاۋ ۋچاسكەلەرىندە مۇمكىندىگى شەكتەۋلى جاندارعا جاعداي جاسالعان. بارىنشا كەڭ ارنايى كابينالار بار. ولار ءۇشىن بارلىق سايلاۋ ۋچاسكەلەرى ءبىرىنشى قاباتتاردا ورنالاسقان.

ج. اسانوۆا جۋرناليستەردىڭ كابينالاردىڭ الدىڭعى پەردەلەرىنىڭ جوقتىعىنا وراي قويعان سۇراقتارىنا جاۋاپ بەردى. بۇل شارا كوروناۆيرۋس جاعدايىمەن بايلانىستى ەكەنىن ايتتى.

«كابينكا قالاي بولعاندا دا جابىق كەڭىستىك، الدىڭعى پەردە كەدەرگى. ادام كىرگەن كەزدە وعان ءبارىبىر بەتىن تيگىزەدى. ءبىز قانشا سايلاۋشىلار كەلەتىنىن بىلمەيمىز. قازىر كوروناۆيرۋستىڭ تارالۋ قاۋپى ءالى دە بار بولعاندىقتان، ءبىز باس مەملەكەتتىك سانيتارلىق دارىگەردىڭ قاۋلىسىمەن كەلىسەمىز جانە ونى باستنى نازاردا ۇستايمىز. سوندىقتان، بيىل الدىڭعى پەردەلەرسىز داۋىس بەرەمىز»، - دەپ ءتۇسىندىردى ج. اسانوۆا. وسىنداي تالاپتار وتكەن جىلدىڭ تامىز ايىنداعى قر پارلامەنتى سەناتىنىڭ دەپۋتاتتارىن سايلاۋ كەزىندە دە قويىلعان بولاتىن.

بارلىق ۋچاسكەلىك كوميسسيالار قورعانىس قۇرالدارىمەن قامتاماسىز ەتىلگەن: ماسكالار، اۋىستىرۋ مۇمكىندىگى بار انتيسەپتيكتەر، انتيسەپتيكتەرمەن سۋلانعان كىلەمشەلەر. كوشپەلى كوميسسيالار قورعانىش كوستيۋمدەرىمەن قامتاماسىز ەتىلگەن.
ۇيدە داۋىس بەرۋ ءۇشىن ۋچاسكەلىك سايلاۋ كوميسسياسىنا ءوتىنىشتى ەرتەڭ، 10.01.2021 جىلى ساعات 12.00-گە دەيىن جىبەرۋ كەرەك.

سايلاۋ ۋچاسكەلەرى تۋرالى اقپارات قالالىق «الماتى اقشامى» جانە «ۆەچەرني الماتى» گازەتتەرىندە جاريالاندى. سونداي-اق، قالالىق اكىمدىكتىڭ سايتىندا «سايلاۋ» ءبولىمى بار، وندا بارلىق جان-جاقتى اقپارات بەرىلگەن. ءسىز سونداي-اق بايلانىس ورتالىعىنا نەمەسە Open Almaty قوعامدىق قابىلداۋ بولمەسىنىڭ سايتىنا قوڭىراۋ شالا الاسىز، مۇندا ء«وزىڭىزدى سايلاۋشىلار تىزىمىنەن تابىڭىز» باتىرماسى بار. تولىعىراق اقپارات الۋ ءۇشىن ءسىز حقكو-عا حابارلاسۋىڭىزعا بولادى.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار