قر پارلامەنتى ءماجىلىسى مەن ءماسليحاتتار دەپۋتاتتارىن سايلاۋدا الماتى قالاسى اۋماقتىق كاسىپوداقتارىنىڭ بىرلەستىگىنەن شىققان باقىلاۋشىلار شتابىنىڭ مۇشەسى الماگۇل اكىموۆا جالپى قالالىق ءباسپاسوز ورتالىعىندا بريفينگكە شىعىپ, قازىرگى سايلاۋ وتكىزۋ فورماتى مەن مازمۇنى جاعىنان بارلىق الدىڭعى سايلاۋدان ايتارلىقتاي ەرەكشەلەنەتىنىن اتاپ ءوتتى. بىراق نەگىزگى ايىرماشىلىق قازاقستان حالقىنىڭ ساياسي بەلسەندىلىگىنىڭ ارتۋى بولىپ تابىلادى.
ا.اكىموۆا قازىرگى سايلاۋ پروتسەسىنىڭ ەرەكشەلىگى-كەزەكتى پارلامەنتتىك سايلاۋ كوروناۆيرۋس جاعدايىندا, جاڭا مازمۇنمەن جانە جاڭا فورماتتا وتكىزىلۋىندە دەپ سانايدى. جاڭا فورمات پارتيالىق تىزىمدەرگە ايەلدەر مەن جاستار ءۇشىن 30% كۆوتا ەنگىزۋدى كوزدەيدى, «پارلامەنتتىك ۇستانىم» ۇعىمى ەنگىزىلەدى. ەڭ باستى جاڭالىق – ماسليحاتقا سايلاۋ پارتيالىق تىزىمدەر بويىنشا وتكىزىلەدى. سايلاۋدا دەپۋتاتتىق ماندات ءۇشىن 5 ساياسي پارتيا كۇرەسۋدە. ءاربىر پارتيا بەلسەندى قاتىسىپ, حالىقپەن ديالوگقا شىعىپ, ءوز باعدارلاماسىن ۇسىندى.
«حالىقتىڭ ساياسي بەلسەندىلىگى دە ارتقانى قۋانتادى. بۇگىندە حالىق بۇل كەزدەسۋلەرگە قاتىسىپ قانا قويماي, باعدارلامالاردىڭ ەرەجەلەرىنە قىزىعۋشىلىق تانىتىپ, سۇراقتار قويىپ, تاپسىرمالار بەرۋدە», - دەپ اتاپ ءوتتى باقىلاۋشىلار شتابىنىڭ مۇشەسى.
ول بۇل جاعدايدا, قر كاسىپوداقتار فەدەراتسياسى, قازاقستاننىڭ ازاماتتىق اليانسىنىڭ سايلاۋدى باقىلاۋ بويىنشا قوعامدىق ورتالىعى, «جاستارعا جول» بىرلەستىگى جانە پارتيالىق ەمەس باقىلاۋ ورتالىعىنىڭ باسقا دا ءىرى كوممەرتسيالىق ەمەس بىرلەستىكتەرى سياقتى ءىرى قوعامدىق كۇشتەردىڭ توپتاسۋى مەن بىرىگۋى, سايلاۋدى باقىلاۋدىڭ يدەيالىق تاسىلدەرى ايقىندالاتىن «سايلاۋداعى ءادىل جانە ادال باقىلاۋ تۋرالى» حارتياعا قول قويىلعانى 2021 جىلعى 10 قاڭتارداعى سايلاۋ قورىتىندىلارى مەن ناتيجەلەرىنە بارلىق سايلاۋشىلاردىڭ سەنۋىنە مۇمكىندىك بەرەتىنىن اتاپ ءوتتى.
