تىيىم سالىنادى
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس سايلاۋ كۇنى جانە ونىڭ قارساڭىنداعى كۇنى كەز كەلگەن سايلاۋ الدىنداعى ۇگىتكە تىيىم سالىنادى.
ساياسي پارتيالار, پارتيالىق تىزىمدەرگە كىرەتىن كانديداتتار, ولاردىڭ سەنىم بىلدىرگەن ادامدارى جانە سايلاۋ الدىنداعى شتابتاردىڭ جۇمىسى تۋرالى قانداي دا ءبىر بەينەرەپورتاجدار, ماقالالار, روليكتەر ورنالاستىرۋعا تىيىم سالىنادى.
الايدا, بۇل ساياسي پارتيالار مەن كانديداتتار تۋرالى اقپاراتتىق, تالداۋ جانە كورنەكى ۇگىت ماتەريالدارىن تىكەلەي كوبەيتۋگە عانا قاتىستى ەمەس. بەينەسيۋجەتتەر مەن ماقالالاردا ساياسي پارتيالاردىڭ ۇگىت باننەرلەرى, پلاكاتتارى مەن پاراقشالارى بەينەلەنگەن كادرلاردىڭ پايدا بولۋىن بولدىرماۋ ماڭىزدى.
بۇرىن ورنالاستىرىلعان ماتەريالداردى ينتەرنەت-رەسۋرستاردىڭ باستى بەتتەرىنە شىعارۋعا جول بەرىلمەيدى.
داۋىس بەرۋ كۇنىنەن بەس كۇن بۇرىن قوعامدىق پىكىرگە سۇراۋ سالۋ ناتيجەلەرىن جانە سايلاۋعا بايلانىستى باسقا دا زەرتتەۋلەردى جاريالاۋعا تىيىم سالىنادى.
ينتەرنەت-رەسۋرستاردىڭ بۇرىن ورنالاستىرىلعان ماتەريالدارى بويىنشا تۇسىنىكتەمە بەرۋ فۋنكتسياسىن جابۋ نە بەلگىلى ءبىر ساياسي پارتياعا داۋىس بەرۋ تۋرالى ۇندەۋلەرمەن پىكىرلەردىڭ پايدا بولۋىنا جول بەرمەۋ ءۇشىن تۇراقتى مودەراتسيانى جۇزەگە اسىرعان ءجون.
«سايلاۋ كۇنى» داۋىس بەرۋ بيۋللەتەندەرىن ورنالاستىرۋعا تىيىم سالىنادى.
رۇقسات ەتىلەدى
ساياسي پارتيالاردان كانديداتتاردىڭ كاسىبي قىزمەتىنە قاتىستى ماتەريالداردى ولاردىڭ پارتياعا قاتىستىلىعىن كورسەتپەي جاريالاۋعا رۇقسات ەتىلەدى.
ينتەرنەت جەلىسىندە بۇرىن ورنالاستىرىلعان ۇگىت ماتەريالدارى بۇرىنعى ورىندارىندا ساقتالۋى مۇمكىن. الايدا, سايلاۋشىلاردىڭ قالاۋى تۋرالى بۇرىن جۇرگىزىلگەن ساۋالنامالاردى قايتا باسىپ شىعارۋ جانە ەسكە ءتۇسىرۋ مۇمكىن ەمەس.
ساراپشىلاردىڭ, قوعام قايراتكەرلەرىنىڭ جانە ت.ب. پىكىرلەرى مەن سۇحباتتارى ساياسي پارتيالار مەن كانديداتتار تۋرالى ايتپاستان, سايلاۋدىڭ ءرولى مەن جالپى داۋىس بەرۋدىڭ ماڭىزدىلىعى تۋرالى جالپى پىكىردى عانا قامتۋى مۇمكىن.
سايلاۋ كوميسسيالارىنىڭ ءۇي-جايلارىنان جانە داۋىس بەرۋگە ارنالعان ءۇي-جايلاردان تىس جەرلەردە بۇرىن ىلىنگەن باسپا ۇگىت ماتەريالدارى بۇرىنعى ورىندارىندا ساقتالۋى مۇمكىن.
ۇلتتىق بايقاۋشىلاردىڭ داۋىس بەرۋ بارىسىنا جانە ونىڭ قورىتىندىلارىن شىعارۋعا كەدەرگى كەلتىرمەي, فوتو -, اۋديو - جانە بەينەجازبالار جاساۋعا قۇقىعى بار. فوتو -, اۋديو-جانە بەينەجازبا, سول سياقتى بايقاۋدىڭ ءوزى دەربەس دەرەكتەردىڭ, ونىڭ ىشىندە سايلاۋشىلار ءتىزىمىنىڭ, تولتىرىلعان بيۋللەتەندەردىڭ جانە ت. ب. قۇپيالىلىعى ساقتالاتىنداي ەتىپ جۇزەگە اسىرىلۋعا ءتيىس. فوتو - جانە بەينەجازبا داۋىس بەرۋ قۇپياسىن جانە سايلاۋشىلاردىڭ دەربەس دەرەكتەرىن قورعاۋ ەسكەرىلە وتىرىپ قانا جۇرگىزىلۋگە ءتيىس جانە ازاماتتاردىڭ بەينەسىن ولاردىڭ كەلىسىمىن العاننان كەيىن پايدالانۋعا بولادى.
سايلاۋ بارىسىن جاريالاۋعا جانە تاراتۋعا تەك بۇقارالىق اقپارات قۇرالدارى عانا قۇقىلى.
