د. الكەباي ۇلى اتاپ وتكەندەي, 2020 جىلى جۇمىسسىز ازاماتتاردى جۇمىسپەن قامتۋعا ىقپال ەتۋ جانە بەلسەندى شارالارعا باعىتتاۋداعى «ەڭبەك» مەملەكەتتىك باعدارلاماسى ءۇش باعىتتا جۇرگىزىلدى.
ءبىرىنشى باعىت اياسىندا كاسىبي وقۋلار, ونىڭ ىشىندە قىسقا مەرزىمدى كۋرستار ۇسىنىلدى.
مىسالى, 2020 جىلى وسىنداي كۋرستاردا 27 كاسىپ (ماماندىق) بويىنشا 25 وقۋ ورتالىقتارىندا 1 005 ادام بىلىمدەرىن جەتىلدىردى. 932 ادام وقۋدى اياقتادى, ونىڭ ىشىندە 624 ادام نەمەسە 67%-ى جۇمىسقا ورنالاستىرىلدى. وسى شارالارعا 226,9 ملن.تەڭگە ءبولىندى.
ەكىنشى باعىت بويىنشا داعدارىسقا قارسى شارالار اياسىندا 947,3 ملن تەڭگە ءبولىندى, جەكە بيزنەستەرىن نەمەسە بۇرىنعى كاسىپتەرىن العا جىلجىتۋ ءۇشىن 555 مىڭ تەڭگەدەن 1705 تەگىن گرانتتار بەرىلدى. گرانت العانداردىڭ اينالىساتىن نەگىزگى جۇمىستارى تىگىن ءىسى, تاماق دايىنداۋ, مانيكيۋر جانە شاشتاراز جانە تاعى باسقاسى بار.
ءۇشىنشى باعىت اياسىندا قوعامدىق جۇمىستاردىڭ جوسپارى 3 مىڭنان 14 مىڭعا دەيىن ۇلعايتىلدى. جۇمىسپەن قامتۋدىڭ وسى تۇرىنە 16 مىڭ جۇمىسسىز ادام قاتىستى, بۇل شاراعا 5,8 ملرد تەڭگە ءبولىندى. باسقا ۋاقىتشا جۇمىس ورىندارىنا 2,7 مىڭ ادام جىبەرىلدى, ونىڭ ىشىندە جاستار پراكتيكاسىمەن جوو مەن كوللەدجدەردىڭ 1,5 مىڭ تۇلەگى قامتىلدى.
23 897 ادام تۇراقتى جۇمىسپەن قامتىلدى. ونىڭ ىشىندە مەملەكەتتىك باعدارلامالار اياسىندا – 735 ادام, «ەڭبەك» پورتالى ارقىلى – 11 403 ادام. مەملەكەتتىك قولداۋ شارالارىنسىز 11 759 ادام جۇمىسپەن قامتىلدى.
مەملەكەتتىك جانە ۇكىمەتتىك باعدارلامالار اياسىندا 76 301 جاڭا جۇمىس ورنى قۇرىلدى (ونىڭ ىشىندە 35 032 تۇراقتى جۇمىس ورنى), ونىڭ ىشىندە: كاسىپكەرلىك سۋبەكتىلەرى – 30 032, «ەڭبەك» مەملەكەتتىك باعدارلامالارى بويىنشا – 18 648, ايماقتاردى دامىتۋ بويىنشا – 824, «بجك 2020» بويىنشا – 3 540, جقجك بويىنشا – 21 863, «نۇرلى جەر» باعدارلاماسى بويىنشا – 455, ءبىلىم مەن عىلىمدى دامىتۋ بويىنشا – 70, عبدمب بويىنشا 869 ادام جۇمىسپەن قامتىلدى.
داعدارىسقا قارسى شارالار اياسىندا «جۇمىسپەن قامتۋدىڭ جول كارتاسى» ىسكە اسىرىلۋدا. 228 جوبا بويىنشا 21,8 مىڭعا جۋىق جۇمىس ورنى قۇرىلدى, جۇمىسپەن قامتۋ ورتالىعى ارقىلى 11 مىڭعا جۋىق جۇمىسسىز جۇمىسپەن قامتىلدى, جۇمىسپەن قامتىلعان جاستاردىڭ ۇلەسى 37%-دى قۇرايدى.
