6 قاڭتاردا الاياقتىڭ قۇربانى بولعان جەرگىلىكتى تۇرعىن قالالىق پوليتسيا باسقارماسىنىڭ كەزەكشى بولىمىنە كەلىپ ارىزداندى.
بەلگىلى بولعانداي, كۇدىكتى ازامات جابىرلەنۋشىگە تەمىرجول مەكەمەسىنە جۇمىسقا ورنالاستىرۋعا ۋادە بەرىپ, قازان ايىندا ودان 210 000 تەڭگە اقشاسىن الىپ كەتكەن. بىراق كوپ ۇزاماي اقشانى العان كۇدىكتى تەلەفون قوڭىراۋلارىنا جاۋاپ بەرمەي, جۇمىسقا ورنالاستىرۋ تۋرالى ماسەلە ءالى دە ءوز شەشىمىن تاپپاعاندىقتان جابىرلەنۋشى پوليتسياعا جۇگىنگەن.
پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا قالا تۇرعىنى بولىپ تابىلاتىن 1982 جىلى تۋعان الاياقتى ۇستادى. قازىرگى ۋاقىتتا اتالعان فاكت بويىنشا قر قك-ءنىڭ 190-بابىنىڭ 1-بولىگى (الاياقتىق) بويىنشا سوتقا دەيىنگى تەرگەۋ جۇرگىزىلۋدە.
قىزىلوردا قالالىق پوليتسيا باسقارماسىنىڭ باسشىلىعى ازاماتتارعا قىراعى بولۋ جانە بەيتانىس ادامدارعا سەنبەۋ تۋرالى ەسكەرتەدى.
