جەرلەستەرىمىز اراسىندا جارىس شىمىلدىعىن الەمدىك رەيتينگتە 28-ورىنعا جايعاسقان يۋليا پۋتينتسەۆا اشىپ بەردى. العاشقى اينالىمدا WTA رەيتينگىندە 85-ورىندا تۇرعان يتاليالىق مارتينا ترەۆيزانمەن باق سىناعان وتانداسىمىز ەكى سەتتە 6:3, 6:3 ەسەبىمەن جەڭىسكە جەتتى. ەكىنشى جارىس كۇنىندە پۋتينتسەۆانىڭ جەڭىستى جولىن ەلىمىزدىڭ ءبىرىنشى, الەمنىڭ 19-راكەتكاسى ەلەنا رىباكينا ءساتتى جالعاستىردى. تاعى ءبىر يتاليالىق تەننيسشى لۋكرەتسيا ستەفانينيمەن كورتقا شىققان ول قارسىلاسىنا ەش مۇمكىندىك قالدىرمادى. ءبىر ساعاتقا سوزىلعان كەزدەسۋدە رىباكينا 6:1, 6:3 ەسەبىمەن باسىم ءتۇستى.
وكىنىشكە قاراي, وسى تۋرنيردە باق سىناپ جاتقان تاعى ءبىر تەننيسشىمىز – زارينا دياس ءبىرىنشى اينالىمنان ارى اسا المادى. رەسەيلىك ەكاتەرينا الەكساندروۆامەن باق سىناعان دياس 6:4, 6:4 ەسەبىمەن قارسىلاسىنا جول بەردى.
