ايماقتار • 07 قاڭتار، 2021

الماتىنىڭ ورتالىعىنداعى تاريحي عيماراتتار قالپىنا كەلتىرىلەدى

25 رەت كورسەتىلدى

وڭىرلىك كوممۋنيكاتسيالار قىزمەتى الاڭىندا وتكەن بريفينگتە الماتى قالاسى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ الماتىنىڭ تاريحي ورتالىعىندا «نۇكتەلى» قۇرىلىستى توقتاتۋ شارالارى تۋرالى ايتىپ بەردى، دەپ حابارلايدى Egemen.kz

تاريحي ورتالىقتا «نۇكتەلى» قۇرىلىس سالۋدى رەتتەۋ، سونداي-اق توقتاتۋ ماقساتىندا قالا اكىمدىگى قالانىڭ كوممۋنالدىق مەنشىگىنە تاريحي ورتالىقتىڭ شەكاراسى شەگىندە يگەرىلمەگەن 24 جەر ۋچاسكەسىن ساتىپ الۋدى ۇسىندى.

ولاردىڭ ەكەۋى الماتى قالاسىنىڭ پروبلەمالىق نەسيەلەر قورىنان جەر بەرۋ ارقىلى قالا قورىنا اۋىستى. بۇل ابىلايحان – قۇرمانعازى، پانفيلوۆ – شەۆچەنكو اۋدانىندا.
ا. احمەدجانوۆ الماتىنىڭ تاريحي ورتالىعىندا «نۇكتەلى» قۇرىلىستى توقتاتۋ تۋرالى شەشىم تۋرالى ايتا كەلە، بۇل ۇزاق ءارى اۋىر جول بولعانىن اتاپ ءوتتى.

ء«بىز تەرەڭ تالداۋ جۇرگىزدىك. قولدانىستاعى زاڭنامانىڭ تالاپتارىن ەسكەرمەستەن ءبىر نارسە الۋ، وزگەرتۋ جانە توقتاتۋ مۇمكىن ەمەس ەدى. باس جوسپاردى تۇزەتۋدىڭ اياقتالۋ كەزەڭىندە قولدانىستاعى زاڭنامادا قولدانۋعا بولاتىن بارلىق ماتەريالدار جينالدى جانە تەرەڭ تالداۋ جۇرگىزىلگەننەن كەيىن الماتى قالاسىنىڭ اكىمى قالانىڭ ورتالىق بولىگىندەگى ساۋلەت-قۇرىلىس قىزمەتىن رەتتەۋ ءۇشىن ءتيىستى تاپسىرما بەردى»، - دەدى ا.احمەدجانوۆ.

ونىڭ ايتۋىنشا، سوڭعى ەكى جىلدا الماتىنىڭ تاريحي ورتالىعىندا نىساندار سالۋعا رۇقسات بەرىلمەدى، ولار تەك كەرى قايتارىلدى، ال قۇرىلىس توقتاپ قالدى. قازىر بۇل جەر ۋچاسكەلەرى مەملەكەت مەنشىگىنە الىناتىن بولادى. 2018 جىلعا دەيىن سالىنا باستاعان نىساندار اياقتالۋ ساتىسىندا.

قالا اكىمى باقىتجان ساعىنتاەۆتىڭ تاپسىرماسىنا سايكەس تاريحي ورتالىقتاعى ەسكى ۇيلەردى قالپىنا كەلتىرۋ كەزىندە، ەگەر ولار تاريحي ورتالىقتىڭ ءوزى قالىپتاسقان جىلدار قاعيداتى بويىنشا سالىنعان بولسا، عيماراتتاردىڭ قاسبەتتەرى قالپىنا كەلتىرىلەتىن بولادى. تاريحي ورتالىقتا بيىك عيماراتتار سالۋعا تىيىم سالىنادى. بوس جەر ۋچاسكەلەرىندەگى بۇرىن بۇزىلعان تاريحي عيماراتتار بىرتىندەپ قالپىنا كەلتىرىلەدى. مىسالى، پانفيلوۆ-تولە بي كوشەسىندە ءۇش قاباتتى عيماراتتى – بۇرىنعى مينيسترلىكتى، كەيىن ينستيتۋت پەن كاسىپكەرلىك قىزمەت نىسانىن قالپىنا كەلتىرۋ ۇسىنىلدى. سونداي–اق، قازىبەك بي-قالداياقوۆ قيىلىسىنداعى بۇرىن «8 مارتا سوۆەتسكوە» دەپ اتالعان ساۋلەتشىلەر وداعىنىڭ ەكى قاباتتى عيماراتىن قالپىنا كەلتىرۋ ۇسىنىلادى.

ەستەرىڭىزگە سالا كەتەيىك، الماتى قالاسىنىڭ اكىمدىگى قالانىڭ باس جوسپارىنا سايكەس تاريحي ورتالىقتىڭ شەكاراسىن انىقتاعان بولاتىن.

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ۇقساس جاڭالىقتار