ج.بەكشين اتاپ وتكەندەي, الماتى قالاسى «سارى» ايماقتا تۇر. مەگاپوليستە ىندەتتىڭ ەكىنشى تولقىنىنىڭ ءورشۋى قازان ايىندا باستالدى, 3 ايدا كۆي جاعدايلارىن تىركەۋ 14 ەسە ءوستى. قاڭتار ايىنىڭ 7 كۇنىندە كۆي-ءدىڭ 700-دەن استام جاعدايى تىركەلدى, قاڭتار ايىنا بولجام قولايسىز جانە 4500-گە دەيىن جاعدايدى قۇرايدى.
سوڭعى 14 كۇندە 20-39 جاستاعى ازاماتتار اراسىندا سىرقاتتانۋشىلىق 35% -دى, 40-59 جاس ارالىعىندا 33%-دى قۇرايدى, بۇل شەكتەۋ شارالارىن بۇزۋ, كورپوراتيۆتىك كەشتەردى وتكىز, ساۋدا-ساتتىق ورىندارىنا بارۋدان تۋىنداپ وتىرعان جاعداي.
«اۋرۋ جۇقتىرۋدى تومەندەتۋ ءۇشىن ءالى دە ادامدار كوپ جينالاتىن ورىندارعا بارۋدان باس تارتۋدى سۇرايمىز. سونىمەن قاتار, ۆيرۋستىڭ تارالۋىن توقتاتۋ ءۇشىن اشىق اۋادا ماسكا تاعۋ, اراقاشىقتىقتى قاتاڭ ساقتاڭىزدار. كوروناۆيرۋستىق ينفەكتسيامەن اۋىرعان ناۋقاستارمەن جانە جۇمىس ورنى بويىنشا بايلانىستا بولعان ادامدار ۇيدە قالىپ, تەگىن نەگىزدە تەكسەرۋ ءۇشىن تەلەفون ارقىلى ەمحاناعا حابارلاسۋى كەرەك. الماتى قالاسىنىڭ ازاماتتارى مەن قوناقتارىنا جرۆي بەلگىلەرى پايدا بولعان كەزدە دارىگەردىڭ ۇيىنە شاقىرتۋدى, زەينەتكەرلەرگە اسا قاجەتتىلىكسىز تۇرعىن ۇيلەردەن شىقپاۋدى ۇسىنامىز», دەدى ج.بەكشين الماتىلىقتارعا.
