اتاپ ايتقاندا, تەمەكى ونىمدەرىنە اكتسيزدەردىڭ ستاۆكالارى كەزەڭ-كەزەڭىمەن وسەدى. ياعني تەمەكى ونىمدەرىنىڭ زاڭسىز اينالىمىنىڭ تارالۋىن بولدىرماۋ ماقساتىندا تەمەكى ونىمدەرىنە اكتسيز ستاۆكالارىن كەزەڭ-كەزەڭىمەن ارتتىرۋ كوزدەلگەن.
ەۋرازيالىق ەكونوميكالىق وداققا مۇشە مەملەكەتتەردىڭ اۋماقتارىندا وتكىزىلەتىن تەمەكى ونىمىنە ارنالعان اكتسيزدەر ستاۆكالارىن ۇيلەستىرۋ (سايكەستەندىرۋ) «ەۋرازيالىق ەكونوميكالىق وداققا مۇشە مەملەكەتتەردىڭ تەمەكى ونىمىنە ارنالعان اكتسيزدەر سالاسىندا سالىق ساياساتىن جۇرگىزۋ قاعيداتتارى تۋرالى كەلىسىم» (ۇكىمەتتىڭ 2019 جىلعى 9 جەلتوقسانداعى № 911 قاۋلىسى) شەڭبەرىندە ىسكە اسىرىلادى.
ەنگىزىلەتىن جاڭا نورمالارعا سايكەس (2020 جىلعى 10 جەلتوقسانداعى قرز) 2022 جىلعى 1 قاڭتاردان باستاپ 2023 جىلعى 1 قاڭتارعا دەيىن اكتسيزدەردىڭ ستاۆكالارى: تەمەكىگە – 12 300 تەڭگە (1000 داناسىنا); قىزدىرىلاتىن تەمەكىسى بار بۇيىمدارعا – 11 750 تەڭگە (1 كگ تەمەكى قوسپاسىنا); نيكوتينى بار سۇيىقتىققا 8 تەڭگەنى (1 ميلليليتر سۇيىقتىققا) قۇرايتىن بولادى. قولدانىستاعى زاڭناما بويىنشا 2021 جىلعى 1 قاڭتاردان باستاپ 2022 جىلعى 1 قاڭتارعا دەيىن اكتسيز ستاۆكالارى تەمەكىگە – 11000 تەڭگە (1000 داناسىنا); قىزدىرىلاتىن تەمەكىسى بار بۇيىمدارعا – 7345 تەڭگە (1 كگ تەمەكى قوسپاسىنا); نيكوتينى بار سۇيىقتىققا 5 تەڭگەنى (1 ميلليليتر سۇيىقتىق) قۇرايدى.
جاڭا تاۋارلاردى اكتسيزدەلەتىن تاۋارلار تىزبەسىنە ەنگىزۋ بويىنشا قازىرگى ۋاقىتتا گازوحول, بەنزانول, نەفراس, جەڭىل كومىرسۋلار قوسپاسى, ەكولوگيالىق وتىن تۇرىندە ەاەو ەلدەرىنە بەنزيننىڭ ەكسپورتى ۇلعايدى, بۇل ىشكى نارىقتا مۇناي ونىمدەرىنىڭ تاپشىلىعىنا الىپ كەلەدى جانە كولەڭكەلى اينالىمنىڭ ۇلعايۋىنا ىقپال ەتەدى. وسىعان بايلانىستى, اكتسيزدەلەتىن تاۋارلار تىزىمىنە جاڭا تاۋارلار ەنگىزىلدى, اتاپ ايتقاندا گازوحول, بەنزانول, نەفراس, جەڭىل كومىرسۋلار قوسپاسى جانە ەكولوگيالىق وتىن.
بۇل وزگەرتۋلەر 2022 جىلدان باستاپ قولدانىسقا ەنەدى.
