ماقساتتى پايدالانۋ ءۇشىن قولجەتىمدى زەينەتاقى جيناقتارىنىڭ سوماسى تۋرالى اقپاراتتى جانە زەينەتاقى جيناقتارىنىڭ جاي-كۇيى تۋرالى دەرەكتەردى مىناداي تاسىلدەرمەن الۋعا بولادى:
1. بجزق سايتى جانە سالىمشىنىڭ جەكە كابينەتى ارقىلى. ول ءۇشىن جسن مەن قۇپياسوزدى ەنگىزۋ قاجەت نەمەسە ەلەكتروندى تسيفرلى قولتاڭبا (ەتسق) بولۋى كەرەك.
سونىمەن قاتار ءبىز سىزدەرگە زەينەتاقى جيناقتارىنىڭ جاعدايى تۋرالى اقپارات الۋعا مۇمكىندىك بەرەتىن قوسىمشا cabinet.enpf.kz/porog تۋرالى اقپارات بەرەمىز: زەينەتاقى شوتىنداعى قالدىق, شەكتى سوما, الۋعا بولاتىن سوما. بۇل اقپاراتتى الۋ ءۇشىن تەك ەسق كىلتىمەن قول قويۋ كەرەك. ەسق-نى ۇلتتىق سەرتيفيكاتتاۋ ورتالىعىنىڭ سايتىندا الۋعا بولادى.
2. زەينەتاقى جيناقتارىنىڭ جاي-كۇيى تۋرالى اقپارات eGov.kz سايتىندا جانە eGov mobile ءموبيلدى قوسىمشاسى ارقىلى قولجەتىمدى. ول ءۇشىن پايدالانۋشىلارعا ەلەكتروندى تسيفرلى قولتاڭبا (ەتسق) قاجەت. ەGov.kz سايتىنىڭ باس مازىرىندە «الەۋمەتتىك قامسىزداندىرۋ», ودان ءارى «زەينەتاقىمەن قامسىزداندىرۋ» قوسىمشا بەتىنە ءوتىڭىز, سودان كەيىن «بىرىڭعاي جيناقتاۋشى زەينەتاقى قورى سالىمشىسىنىڭ (الۋشىسىنىڭ) زەينەتاقى جيناقتارىنىڭ (ينۆەستيتسيالىق كىرىستى ەسكەرە وتىرىپ) جاي-كۇيى تۋرالى اقپارات بەرۋ» قوسىمشا پاراقشاسى ارقىلى نەمەسە سىلتەمە بويىنشا ءوتىپ بىلۋگە بولادى.
eGov mobile ءموبيلدى قوسىمشاسىنىڭ «قىزمەتتەر», ودان ءارى «جۇمىسقا ورنالاستىرۋ جانە جۇمىسپەن قامتۋ» بولىمىنە ءوتىڭىز, سودان كەيىن «بىرىڭعاي جيناقتاۋشى زەينەتاقى قورى سالىمشىسىنىڭ (الۋشىسىنىڭ) زەينەتاقى جيناقتارىنىڭ (ينۆەستيتسيالىق كىرىستى ەسكەرە وتىرىپ) جاي-كۇيى تۋرالى اقپارات» قوسىمشا بەتىنە ءوتۋ ارقىلى انىقتاۋعا مۇمكىندىك بار.
سونىمەن قاتار بجزق 2021 جىلعا ارنالعان زەينەتاقى جيناعىنىڭ جەتكىلىكتىلىك شەگىن جاريالادى.
ايتا كەتەيىك, بۇعان دەيىن قازاقستاندىقتاردىڭ زەينەتاقى جيناقتارىن پايدالانۋ ءۇشىن «جەتكىلىكتىلىك شەگى» جاريالانعان ەدى. بۇدان وزگە, زەينەتاقى جيناعىن باسپاناعا جۇمساۋعا ارنالعان ونلاين-پلاتفورما ىسكە قوسىلادى.
