ماسەلەن قىزىلقوعا اۋدانىنداعى «نۇرشۋاق» بوبەكجاي-بالاباقشاسىنىڭ مەڭگەرۋشىسى باقىتجامال جۇماباەۆانىڭ مالىمەتىنشە, 2014 جىلدان بەرى 1 جاستاعى بالالار قابىلدانادى. بالاباقشادا 80 ادام جۇمىس ىستەيدى. ونىڭ 36-سى پەداگوگ. ولار 250 بالاعا مەكتەپكە دەيىنگى تاربيە بەرەدى. ال, كەزەكشى توپقا 130 بالدىرعان بار.
ء«بىزدىڭ بالاباقشانىڭ ەرەكشەلىگى – بالالاردىڭ وي-ءورىسىن ەرتە جاستان دامىتۋ. ءبىر جاستان قابىلدانعان بوبەكتەر ءتورت توپتا تاربيەلەنەدى. ولارعا تاجىريبەلى ماماندار ءتالىم-تاربيە بەرەدى. پسيحولوگ ءار بالانىڭ مىنەز-قۇلقىن, توپتا ءوزىن ۇستاۋىن زەرتتەيدى. بالالار ءتۇرلى ءبيدى دە ۇيرەنەدى» دەيدى باقىتجامال جۇماباەۆا.
ەرتە جاستاعى توپتىڭ تاربيەشىسى گۇلجازيرا كەنجەبايقىزىنىڭ پىكىرىنشە, 1 جاستاعى بالالارعا نەگىزىنەن اشىق وقۋ ساباعى وتكىزىلەدى.
«ماقساتىمىز – بوبەكتىڭ تىڭداۋ, سويلەۋ قابىلەتىن جەتىلدىرۋ. ەرتەگىلەر, ساۋساق ويىنى ارقىلى قىزىقتى اڭگىمەلەر ايتىلىپ, تاقپاقتار جاتتايدى. «كىم شاپشاڭ؟», «كىم تاپقىر؟» سىندى توپتىق ويىندار وتكىزىلەدى. ءار توپتا ون بالدىرعان بىرىكتىرىلگەن» دەيدى ول.
