پارلامەنت • 06 قاڭتار، 2021

ەرىك سۇلتانوۆ سقو اۋداندارىن ارالادى

13 رەت كورسەتىلدى

سەنات دەپۋتاتى ەرىك سۇلتانوۆ سولتۇستىك قازاقستان وبلىسىنىڭ تايىنشا، اقجار جانە ءۋاليحانوۆ اۋداندارىندا بولدى. ساپار بارىسىندا ول جەرگىلىكتى قۇس فابريكاسىنىڭ جۇمىسشىلارىمەن كەزدەستى جانە كاسىپورىنداردىڭ جۇمىسىمەن تانىستى، دەپ حابارلايدى Egemen.kz

سەناتور سونداي-اق ءوڭىر تۇرعىندارىمەن ساپالى مەديتسينالىق قىزمەت، قاشىقتان وقۋدى تەحنيكالىق قامتاماسىز ەتۋ جانە جول جوندەۋ جۇمىستارىنا قاتىستى ماسەلەلەردى تالقىلادى.

«وسى ءۇش اۋداننىڭ تۇرعىندارىن الاڭداتىپ وتىرعان باستى ماسەلە كوكشەتاۋ-ومبى تاسجولىن جوندەۋ جۇمىستارى ەكەنى بەلگىلى. وسىعان وراي كەلەسى جىلى جوبالاۋ-سمەتالىق قۇجاتتاماعا 104 ميلليون تەڭگە ءبولۋ جوسپارلانعان. سوعان سايكەس 2022 جىلى جوندەۋ جۇمىستارىن باستاۋ كوزدەلىپ وتىر. ودان بولەك، ۇكىمەتتىڭ ىرگەلەس اۋىلداردى ساپالى ينتەرنەتپەن قامتاماسىز ەتۋگە ارنالعان بولەك جوسپارى بار. الداعى 2-3 جىلدا ءار اۋىلدا ينتەرنەت بولادى دەپ سەنەمىن»، دەدى ەرىك سۇلتانوۆ.

سونىمەن قاتار سەناتور اقجار اۋداندىق ورتالىق اۋرۋحاناسىنىڭ دارىگەرلەرىمەن كەزدەسىپ، بىلتىر قابىلدانعان زاڭداردىڭ ماڭىزى جونىندە ايتىپ بەردى. ول ءبىر جىلعا جۋىق ىندەتپەن كۇرەستە تاباندىلىق تانىتىپ كەلە جاتقان ماماندارعا العىسىن ءبىلدىرىپ، مەديتسينا سالاسى بويىنشا وبلىستاعى وزەكتى ماسەلەلەردى تالقىلادى. ءوز كەزەگىندە دارىگەرلەر جەرگىلىكتى اۋرۋحانالاردا زاماناۋي جابدىقتاردىڭ جەتىسپەيتىنىن ايتتى.

ء«بىزدىڭ اۋدانعا قازىرگى زامانعى لاپاروسكوپيالىق اپپارات قاجەت. بۇل قوندىرعى ءابدومينالدى حيرۋرگيا، ءوت شىعارۋ جولدارىنداعى اۋرۋلار مەن زاعيپتىكتى ەمدەۋ جانە گينەكولوگيالىق وتالار ءۇشىن كەرەك. وسىنداي زاماناۋي وتالاردان كەيىن ناۋقاستار 3 كۇننەن سوڭ قالىپتى ومىرىنە قايتا ورالادى»، دەدى دارىگەر-حيرۋرگ باۋىرجان قوساەۆ.

ەرىك سۇلتانوۆ بۇل ماسەلەلەر دەنساۋلىق ساقتاۋ مينيسترلىگىمەن بىرلەسە وتىرىپ قارالاتىنىن جەتكىزدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار