اقتاۋدا ۇرشىق بۋىنى العاش رەت اۋىستىرىلدى

ماڭعىستاۋ وبلىستىق اۋرۋ­حا­نا­سىندا ايماق تاريحىندا العاش رەت جامباستاعى ۇرشىق بۋىنىن اۋىس­تى­رۋ وتاسى ويداعىداي ءوتتى. رەس­پۋب­لي­كالىق تراۆماتولوگيا جانە ور­تو­پەديا ينستيتۋتىنىڭ بەل­گىلى مامان­دا­رىمەن بىرگە, ماڭ­عىس­تاۋلىق ما­ماند­ار ءبىر كۇندە ءۇش ناۋ­قاسقا جاڭا تەحنولوگيامەن جا­سالعان ۇرشىق بۋىنىن اۋىستىردى. كۇر­دەلى وتانى اتالمىش ينس­تي­تۋتتىڭ بولىمشە مەڭ­گەرۋشىسى, مە­دي­تسينا عىلىمدارىنىڭ كان­ديداتى الەكسەي بەلوكوبىلوۆ, وب­لىستىق اۋ­رۋ­حانانىڭ تراۆ­ماتو­لوگيا ءبولى­مىنىڭ مەڭگەرۋشىسى امان­قوس شاۋ­حىم­بەرديەۆ باستاعان ما­ماندار وي­دا­عىداي وتكىزدى. ءساتتى وتكەن وتا ءنا­تيجەسىندە, ءۇش ناۋقاس تا ءوز اياق­تا­­رىنا تۇرىپ, ۇيلەرىنە قايتقالى وتىر. وسى رەتتە وبلىستىق اكىمدىكتىڭ قولداۋىمەن جاقىندا عانا جاڭا تەحنولوگيامەن جاسالعان جاساندى ۇر­شىق بۋىندارىن الۋ ءۇشىن 43 ميل­­ليون تەڭگە قاراجات ءبولىن­گەن­دىگىن وسى ءبىر قاۋىپتى دەرتكە وراي كە­­زەكتە تۇرعاندارعا جاسالعان يگى­لىك­تى ءىس-شارا دەۋگە ابدەن بولادى. ال العاش رەت جاسالعان ءۇش وتا “بىرىڭعاي ۇلتتىق دەنساۋلىق ساقتاۋ جۇيەسىنىڭ” اياسىندا قولعا الىنىپ, جۇزەگە استى. جولامان بوشالاق. اقتاۋ.