ساياسات • 06 قاڭتار، 2021

الدا تۇرعان مىندەتتەر اۋقىمدى

20 رەت كورسەتىلدى

Nur Otannyń رەسپۋبليكالىق سايلاۋالدى شتابى قوستاناي وبلىسىنا باردى. مۇندا پارتيا وكىلدەرى قالا مەن اۋىل تۇرعىندارىمەن، نەركاسىپ كاسىپورىندارىنىڭ ۇجىمدارىمەن، زيالى قاۋىم وكىلدەرىمەن، جاستارمەن، كاسىپكەر ايەلدەرمەن جانە باسقا دا ازاماتتارمەن 20 كەزدەسۋ وتكىزدى.

«سارىارقااۆتوپروم» زاۋىتىنىڭ جۇمىسشىلارىمەن كەزدەسۋدە رەسپۋبلي­كالىق شتاب مۇشەلەرى پارتيانىڭ سايلاۋالدى باعدارلاماسىن تانىستىردى.

الداعى 5 جىلدا وبلىستا 80 مىڭنان استام جاڭا جۇمىس ورنىن اشۋ، 2،8 مىڭ كم اۆتوجول سالۋ جانە جوندەۋ، 100 مىڭداي اۋىل تۇرعىنىن ساپالى اۋىز سۋمەن قامتاماسىز ەتۋ، الەۋمەتتىك مۇقتاج ازاماتتارعا 9 مىڭ پاتەر ۇسىنا وتىرىپ، 2 ملن شارشى مەتردەن استام تۇرعىن ءۇي سالۋ جانە باسقا دا جوبالار جوسپارلانۋدا.

بۇدان كەيىن نۇروتاندىقتار ءوڭىردىڭ زيا­لى قاۋىم وكىلدەرىمەن ۇلتتىق مادە­نيەت پەن رۋحانياتتى دامىتۋ، قوعامدا بىرلىك پەن كەلىسىمدى نىعايتۋ ماسەلەلەرىن تالقىلادى. سونىمەن قاتار كەزدەسۋدە ايگىلى اعارتۋشى-پەداگوگ ىبىراي ءالتىنساريننىڭ 180 جىلدىعىنا وراي پارتيا قولداۋىمەن قوستاناي وڭىرىندە رەسپۋبليكالىق ايتىس وتكىزۋ جانە الماتى، نۇر-سۇلتان قالالارىندا وعان ارنالعان ەسكەرتكىش ورناتۋ جايى دا قوزعالدى.

«ەلباسى، پارتيا ليدەرى نۇرسۇلتان نازارباەۆ Nur Otannyń سايلاۋالدى سەزىندە اتاپ وتكەندەي، قازاقستان تاۋەل­سىزدىك جىلدارىندا ەتنوستىق ار­تۇر­­لىلىكتى ارتىقشىلىققا اينالدىرىپ، ءوزىنىڭ ۇلتتىق بىرەگەي ستاندارتىن قا­لىپ­تاستىردى. Nur Otan پارتياسى قازاقستان حالقى اسسامبلەياسىمەن بىرگە قوعامدا ءوزارا قۇرمەت پەن بارشا ازاماتتىڭ تەڭدىگى قۇن­دىلىعىن دارىپتەۋدى ءارى قاراي جالعاس­تىرا بەرەدى. كەمسىتۋشىلىكتى كوزدە­گەن كەز كەلگەن كەلەڭسىز ارەكەتتىڭ جولى كەسى­لەدى. سونداي-اق شەكارا ماڭىنداعى اۋماق­تاردى دامىتۋ جانە مەملەكەتتىك ءتىلدىڭ بارلىق سالاداعى قولدانىسىن كەڭەيتۋ قامتاماسىز ەتىلەدى. مەملەكەت باسشىسى قاسىم-جومارت توقاەۆ «تاۋەلسىزدىك بارىنەن قىمبات» اتتى ماقالاسىندا اتاپ كورسەتكەندەي، «قازاق ءتىلىن، شىن مانىندە، بۇكىل حالىقتى بىرىكتىرۋشى فاكتورعا اي­نال­دىرۋدىڭ بارلىق قۇقىقتىق تاسىلدەرى جانە كەپىلدىكتەرى قالىپتاستى»، دەپ اتاپ ءوتتى رەسپۋبليكالىق سايلاۋالدى شتاب جەتەك­شىسى باۋىرجان بايبەك.

وسى كۇنى پارتيا وكىلدەرى رۋدنىي قا­لا­­سى­نىڭ تۇرعىندارىمەن دە كەزدەسىپ، قا­لا­­لىق­تاردى تولعاندىرىپ جۇرگەن سۇ­راق­­تارعا جاۋاپ بەردى. پارتيا ءباسپاسوز قىز­­مەتىنىڭ حابارلاۋىنشا، «وزگەرىستەر جولى: ءار ازاماتقا لايىقتى ءومىر!» ساي­لاۋال­­دى باعدارلاماسىنىڭ ماڭىزدى با­سىم­­دىقتارىنىڭ ءبىرى – شاعىن جانە مونو­قالا­لاردى قوسا العاندا، وڭىرلەردى ءارى قاراي دامىتۋ. بۇل ءۇشىن شاعىن قالالاردا جول­دار­دى، ينجەنەرلىك ينفراقۇرىلىمدى سالۋ جانە رەكونسترۋكتسيالاۋ جانە ت.ب. جوس­­پار­لانىپ جاتىر. مونوقالالاردى دامىتۋ­­دا جۇيە قۇراۋشى كاسىپورىنداردىڭ ءرولى ار­تا­دى. جاستار باستامالارىن قولداۋ ءۇشىن ار­نايى رەسۋرستىق ورتالىقتار قۇرىلادى.

جالپى، 5 جىلدا Nur Otan پارتيا­سى 977 مىڭ قازاقستاندىق وتباسى ءۇشىن 100 ملن-نان استام شارشى مەتر تۇر­عىن ءۇيدى پايدالانۋعا بەرۋدى، 25 مىڭ رەسپۋب­ليكا­لىق، سونىمەن قاتار 27 مىڭ كم جەرگىلىكتى جولدار سالۋ مەن رەكونسترۋكتسيالاۋدى قامتاماسىز ەتۋدى جوسپارلاپ وتىر.

پرايمەريز كەزىندە جيناعان تۇيتكىلدى ماسەلەلەردى تالداۋ نەگىزىندە Nur Otan ناقتى رۋدنىي قالاسىندا جاڭا تۇرعىن ۇيلەردى قولدانىسقا ەنگىزۋدى، اۋلالاردى اباتتاندىرىپ، بالالاردىڭ ويىن الاڭقايلارىن سالۋدى، جىلۋ، سۋ جانە كارىز جەلىلەرىن جاڭعىرتۋدى الدىنا مىندەت ەتىپ قويىپ وتىر.

 

سوڭعى جاڭالىقتار

بەلگرادتا بەلدەسەدى

سپورت • بۇگىن، 09:06

جاپونيادا سىنعا تۇسەدى

سپورت • بۇگىن، 09:03

ەڭ باستىسى – ازاماتتاردىڭ سەنىمى

قازاقستان • بۇگىن، 08:43

Smart Zholy جەڭىمپازدارى انىقتالدى

قازاقستان • بۇگىن، 08:36

قۇندى قاعازعا قىزىعاتىندار كوپ

ەكونوميكا • بۇگىن، 08:32

اسىل اعانىڭ شاراپاتى

رۋحانيات • بۇگىن، 00:08

قۇيماقۇلاق

رۋحانيات • كەشە

گاز باعاسى نەگە قىمبات؟

ايماقتار • كەشە

ۇقساس جاڭالىقتار